Masuuliyiinta ayaa horaantii asbuucii lasoo dhaafay deegaanka Af urur gaaray si ay u soo qiimeeyaan khasaaraha weerarkii ay dhawaan maleeshiyada Al-Shabaab la beegsadeen saldhig ay ciidamada Puntland ku lahaayeen halkaas.
Masuuliyiinta ayaa waxaa kamid ah Wasiirka Amniga Cabdi Xirsi Cali Qarjab, Wasiirka Caafimaadka Cabdinaasir Cumaan Cuuke, Wasiirka Qorshaynta Shire Xaaji Faarax iyo taliyaha guud ee ciidamada Puntland Sareeye Guud Siciid Maxamed Xirsi (Siciid Dheere).
Intii ay ku guda jireen socdaalkooda, masuuliyiinta ayaa tagay saldhigyo kala duwan oo ciidamada Puntland ku leeyihiin deegaanada Buuraha Galgala ee gobolka Bari.
Msuuliyiinta ayaa la filayaa marka ay ku soo noqdaan caasimada Garoowe in ay Madaxweynaha la wadaagi doonaan qiimaynta ay soo sameeyeen.
8-dii bishaan, xagjiriin katirsan maleeshiyada Al-Shabaab ayaa weerar gaadmo ah ku qaaday saldhig ay ciidamada Puntland ku lahaayeen deegaanka Af urur ee Buuraha Galgala, iyaga oo halkaas ku dilay tobonaan katirsan ciiidamada Puntland xilli habeenimo ah.
Related Posts
September 9, 2023 Weerar loo maleynayo in ay fuliyeen diyaaradaha aan duuliyaha lahayn oo shan qof ku dilay bartamaha Soomaaliya
December 12, 2020 Kulan u dhaxeeya masuuliyiinta sare ee Puntland iyo Raysulwasaaraha DFS oo ka furmay Garoowe
October 24, 2016 Ugu yaraan shan qof oo lagu dilay dagaal wali ka socda magaalada Gaalkacyo
August 4, 2020 Kooxda ISIS oo xaqiijisay dhimashada mid kamid ah saraakiisheeda sare ee Soomaaliya
Be the first to comment