Muqdisho-(Puntland Mirror) Madaxweynaha dowlada federaalka Soomaaliya Xasan Shiikh Maxamuud ayaa maanta oo Isniin ah ku qaabilay xarunta madaxtooyada wasiirka arrimaha dibada Jumhuuriyada Islaamiga Mauritania, Mudane Isselkou Ould Ahmed Izid Bih oo booqasho ku yimid Soomaaliya.
Wasiirka ayaa Madaxweynaha soo gaarsiiyay martiqaad uu uga siday Madaxweynaha Mauritania Mohamed Ould Abdel Aziz, taasoo ku saabsanayd ka qaybgalka shir madaxeedka Jaamacada Carabta oo dhamaadka bisha dambe ka dhici doona magaalada Nouakchott ee caasimada dalka Mauritania.
Madaxweynaha Soomaaliya ayaa aqbalay martiqaadkaas isagoo sheegay in shirkaas uu muhiim u yahay Soomaaliya ayna ka qaybgali doonto.
Wasiirka arrimaha dibada Mauritania ayaa sheegay in dalkiisa uu markii ugu horeysay martigelin doono shir madaxeedka Jaamacada Carabta kaasoo ajandayaasha xooga lagu saarayo ay kamidtahay arrimaha Soomaaliya iyo sidii wadamada Carabta ay gacan taageero uga geysan lahaayeen wadanka Soomaaliya.
Ugu dambayna kulanka waxaa goobjoog ka ahaa wasiiru dowlaha arrimaha dibada dowlada federaalka Soomaaliya mudane Cumar Cali iyo masuuliyiin kale oo dowlada katirsan.
Related Posts
May 31, 2018 Zinedine Zidane oo iska casilay macalinimada Real Madrid
June 1, 2017 Wasiirka Amniga Puntland oo shaqada ka ceyriyay dhammaan ciidamada ammaanka ee kantaroolka koonfureed ee Garoowe
June 21, 2017 Maxkamada Ciidamada Soomaaliya oo dil toogasho ah ku xukuntay eedaysane loo haystay in uu magaalada Baydhabo ku dilay Shiikh caan ahaa
September 5, 2019 Golaha deegaanka Badhan oo doortay duq cusub
Be the first to comment