Seoul-(Puntland Mirror) Waqooyiga Kuuriya ayaa toogasho ku fulisay mid kamid ah raysulwasaare ku xigeenkeeda, sida ay sheegeen saraakiisha Koonfurta Kuuriya.
Xukuumada Pyongyang ayaa sidoo kale masaafurisay saraakiil sare, waxaa loo malaynayaa in amaarkaas uu bixiyay hoggaamiyaha Waqooyiga Kuuriya Kim Jong-un.
“Raysulwasaare ku xigeenka waxbarashada Kim Yong-Jin ayaa toogasho lagu fuliyay,” sidaa waxaa yiri Jeong Joon-hee, afhayeenka wasaarada midowga Koonfur Kuuriya.
Kim ayaa toogasho lagu fuliyay bartamihii bishii July isagoo lagu eedeeyay kasoo horjeed xisbiga iyo kacaandoon, sida uu wakaalada wararka ee AFP u sheegay sarkaal magaciisa ka gaabsaday.
Bartamihii bishii Febaraayo, taliyaha guud ee ciidamada, Janaraal Ri Yong-gil ayaa la sheegay in la dilay isagoo lagu eedeeyay musuq-maasuq, sida ay sheegtay wakaalada wararka ee Koonfur Kuuriya. Yonhap
Kim Jong-un ayaa awooda Waqooyiga Kuuriya qabsaday sanadkii 2011 kadib dhimashadii aabihiis, Kim Jong-il.
Related Posts
November 21, 2016 Guddoomiyaha guddiga doorashooyinka dadban ee Soomaaliya oo sheegay in 112 xildhibaan oo aqalka hoose ah iyo 43 aqalka sare ah lasoo doortay ilaa iyo hadda
December 31, 2016 Ugu yaraan 27 qof oo ku dhimatay qaraxyo ka dhacay Baqdaad oo ay masuuliyadooda sheegatay ISIS
September 27, 2017 Caruur ka carartay gobolada koonfur galbeed si ay uga baxsadaan askaraynta Al-Shabaab
June 14, 2018 Labo qof oo ku dhaawacmay rasaas ay ciidamada Somaliland ku fureen dad shacab ah magaalada Laascaanood
Be the first to comment