Garoowe-(Puntland Mirror) xildhibaanada baarlamaanka Puntland ayaa fasax galay iyadoo baarlamaanka uu u fadhiyay kalafadhigooda 37-aad oo dhawaan ka furmay caasimada Puntland, Garoowe.
Xildhibaan Cabdikariim Guure Shaacuur oo katirsan xildhibaanada golaha baarlamaanka Puntland oo la hadlay idaacada maxaliga ah ee Raadiyo Garoowe ayaa sheegay in baarlamaanka uu fasax galay inta lagu jiro bisha barakaysan ee Ramadaan.
“Kalfadhiga ma xirmin laakiin fasax baa lagalay, la xiriira bisha Ramadaan oo hadda u sii janjeersatay tobankii dambe oo cibaadada iyo salaada iyo tahajudka, marka saasaa loo fasaxay wax kale oo shida ah ama sabab kale ma jirin.” Ayuu yiri xildhibaan Shaacuur.
Kalfadhiga 37-aad ee golaha baarlamaanka Puntland ayaa 15-kii bishan si rasmiya u furmay, waxaana ugu waa-weyn ajandayaasha looga hadli doono kalafadhiga la xisaabtanka xukuumada iyo ajanadayaal kale oo badan.
Golaha xildhibaanada Puntland oo ah cidda doorata labada masuul oo dowlada ugu sareeya, ayaa sanad walba yeesha labo kalafadhi oo rasmiya iyo kalafadhiyo mararka qaar aan caadi ahayn.
Related Posts
July 9, 2018 Raysulwasaare Khayre oo xilka ka qaaday Wasiirkii Diinta iyo Awqaafta
April 5, 2018 Madaxweynaha Puntland oo kala diray golihii deegaanka degmada Garoowe
November 2, 2016 Maraakiib dagaal oo aan la aqoon cida leh oo duqeeyay saldhigyada maleeshiyada taageersan ISIS ee magaalo xeebeedka Qandala
December 3, 2016 Puntland says its forces kill at least seven ISIS fighters in Bari region
Be the first to comment