Madaxweynaha Puntland Cabdiweli Maxmed Cali ayaa ka qaybgalay munaasabada dhagax-dhiga dhismaha waddooyinka oo maanta oo Arbaco ah ka dhacday Garoowe.
Madaxweyne Cabdiweli oo ka hadlayay munaasabada dhagax-dhiga ayaa sheegay in dhismaha waddooyinka cusub ay kor u qadi doonaan horumarka iyo bilicda caasimada.
“Runtii waan ku faraxsanahay bilicda magaaladda Garoowe ee caasimada dowladda Puntland, muhiim bay noo tahay in ay magaaladu qurux badan tahay, caasimad istaahisha bilicda, horumarka iyo wanaaga Puntland waa inay noqotaa, waxaana kow ka ah horumarkaasi waa jidadka, magaaladu waa in ay jid leedahay, waddooyin lamaro leedahay waxayna soo kordhinaysaa taasi ganacsi , horumar, bilic iyo amni intaba.” Ayuu yiri Madaxweynuhu.
Labada waddo oo laami ah ayaa mid laga dhisayaa suuqii hore ee magaalada oo loo yaqaan Fadhi Same waxaana dherekoodu gaarayaa 1KM iyo 400M (hal-kiloo mitir iyo afar-boqol oo mitir ), halka mida kale laga dhisayo jidka Bulsho waxaana dherekoodu gaarayaa 1KM iyo 370m (hal-kiloo mitir iyo saddex-boqol iyo todobaatan mitir).
Dhaqaalaha ku baxaya wadddooyinka ayaa waxay qeyb ka yihiin mashruuca JPLG oo haayadaha Qaramada Midoobay ka caawiyaan sanad walba dhismaha waddooyin cusub oo kuyaala magaalooyinka waa-weyn ee Puntland, sida uu sheegay Madaxweynaha Puntland.
Related Posts
November 30, 2017 Madaxweynaha Soomaaliya oo dalka Ivory Coast uga qeybgalaya shirka 5-aad ee madasha iskaashiga Midowga Afrika iyo Midowga Yurub
August 14, 2016 U.S Special Forces kill 30 Al-Shabaab militants in southern Somalia
December 13, 2016 Iran oo wacad ku martay in ay burburin doonto Yuhuuda haddii Donald Trump uu daandaansado heshiiskooda nukleerka
November 26, 2017 Somali PM appoints defence minister, fires minister of religious affairs
Be the first to comment