![Ciidamada ammaanka Puntland oo dhageysanaya taliyahooda. [Sawirka: Puntland Mirror]](https://puntlandmirror.net/wp-content/uploads/2016/11/23-1.jpg)
“Anaga iyo ciidamadayadu waxaanu ka tagnay Boosaaso iyadoo ujeedadu tahay in aan qabsano Qandala, taasoo hadda 100 kiilo-mitir noo jirta. Waanu sii soconaynaa ilaa aan ka xoreyno magaalada,” sidaa waxaa wakaalada wararka Reuters u sheegay duqa degmada Qandala, Jaamac Maxamed Khurrshe.
Si lamid ah, isaga oo la hadlayay idaacada Radio Daljir asbuucii lasoo dhaafay, madaxweyne ku xigeenka Puntland Cabdixakiim Cumar Camay ayaa sheegay in kooxda ISIS ay ka xoreyn doonaan magaalada Qandala.
In ka badan 700 dadka deegaanka magaalada Qandala ah ayaa ka cararay guryahoodii iyagoo ka cabsi qaba dagaal cusub oo dhexmara ciidamada dowladda Puntland iyo maleeshiyada taageersan ISIS.
Bishii la soo dhaafay Oktoobar, in ka badan 50 dagaalyahan oo taageersan ISIS uuna hoggaaminayo sargaal hore oo Al-Shabaab ah Cabdiqaadir Muumin ayaa qabsaday magaalo xeebeedka Qandala ee kutaala gobolka Bari, walina waxa ay ku jirtaa gacantooda.
Related Posts
June 3, 2016 Somalia is still fragile, but fragile is progress
November 6, 2017 Madaxweynaha Puntland oo sheegay in hoggaamiyaha ISIS Cabdiqaadir Muumin uu weli noolyahay
May 12, 2019 Roobab wanaagsan oo laga soo sheegay qaybo kamid ah gobolada Puntland
December 11, 2017 Pentagon-ka Mareykanka oo rajeynaya in labo sano in ka badan ay lasii dagaalamaan maleeshiyooyinka argagixisada ah ee ku sugan Soomaaliya
Be the first to comment