Golaha wasiiradda Soomaaliya oo xilkii ka qaaday hanti dhowraha guud

Hanti dhowraha guud ee xilka laga qaaday Nuur Faarax Jmcaale. [Sawirka: Archive]
Muqdisho-(Puntland Mirror) Golaha wasiiradda Soomaaliya ayaa maanta oo Khamiis ah xilkii ka qaaday hanti dhowraha guud Nuur Faarax Jimcaale hal maalin kadib markii ilaaladiisu ay Muqdisho ku dileen Wasiirkii Howlaha Guud iyo Dib u Dhiska dowladda federaalka Soomaaliya.

Cabbaas Cabdulaahi Siraaji ayaa xalay lagu dilay gudaha Muqdisho markii ilaalada hanti dhowraha guud ay rasaas ku fureen gaari uu saarnaa wasiirku.

Gelinkii hore ee maanta oo Khamiis ahayd, ciidamada ammaanka Soomaaliya ayaa labo katirsan ilaalaada hanti dhowraha guud u xiray dilka Siraaji.

Meydka Wasiirkii Howlaha Guud iyo Dib u Dhiska dowladda federaalka Soomaaliya Cabbaas Cabdulaahi Siraaji ayaa lagu aasay gudaha magaalada Muqdisho maanta oo Khamiis ah.

About Abdi Omar Bile 691 Articles
Senior Managing Editor at Puntland Mirror and Co-founder of The Site. His Special Passion is Covering Topics Related to Security and Business.You can follow him on Twitter @Abdiomarbile