Laascaanood-(Puntland Mirror) Madaxweyne ku xigeenka Puntland Axmed Cilmi Cusmaan ayaa maanta oo Talaado ah tagay magaalada Laascaanood ee gobolka Sool, isaga oo noqonaya masuulkii ugu sareeyay ee Puntland oo taga halkaas muddo 16 sanno kadib.
Tagida madaxweyne ku xigeenka ayaa timid dhowr beri kadib markii magaalada Laascaanood iyo gobolka Sool laga saaray ciidanka Somaliland kadib ku dhawaad 8 bilood oo dagaal uu halkaas ku dhexmarayay ciidamada Somaliland iyo ciidanka SSC-Khatumo.
Jimcadii oo bishu ku beegnayd 25 August, 2023, ayaa dagaal ka dhacay duleedka Laascaanood lagu jabiyay ciidanka Somaliland. Dagaalka intii uu socday, ugu yaraan 120 qof oo katirsan ciidamada Somaliland ayaa la dilay, 300 oo kale ayaa la qabtay, oo uu kamid yahay taliyihii ciidanka Janaraal Faysal Cabdi Bootaan.
Madaxweyne ku xigeenka Puntland ayaa u gudbay deegaanka Guumays oo qiyaastii 78 km u jirta Laascaanood halkaas oo ay ku suganyihiin ciidamada SSC-Khaatumo. Madaxweynaha SSC-Khaatumo Cabdulqaadir Axmed Firdhiye iyo isimada ayaa madaxweyne ku xigeenka Puntland ku weheliyay safarkiisa Guumays.
Axmed Karaash, oo ka soo jeeda gobolka Sool, ayaa sheegay in dowladda Puntland ay dadka reer SSC-Khaatumo iyo taageero la garab taagantahay.
Somaliland ayaa sanadkii 2007 duulaan ku qabsatay magaalada Laascaanood, balse guushii ciidanka SSC-Khaatumo ee 25 August, 2023, ayaa soo afjartay 16 sanno oo ay halkaas ay maamulayeen.
Related Posts
August 20, 2019 Isku dhac u dhaxeeya ciidamada Puntland iyo Somaliland oo ka dhacay magaalada Hadaaftimo ee gobolka Sanaag
October 19, 2016 Baarlamaanka dowlada Puntland oo dhageysanaya khudbadaha murashaxiinta aqalka sare
July 18, 2020 Madaxweyne Farmaajo oo Dhuusamareeb uga qeybgalaya shirka Dowladda Federaalka iyo Dowladdaha Xubnaha ka ah
June 4, 2016 3 Somali-Americans Found Guilty of Trying to Join Islamic State
