Laascaanood-(Puntland Mirror) Madaxweyne ku xigeenka Puntland Axmed Cilmi Cusmaan ayaa maanta oo Talaado ah tagay magaalada Laascaanood ee gobolka Sool, isaga oo noqonaya masuulkii ugu sareeyay ee Puntland oo taga halkaas muddo 16 sanno kadib.
Tagida madaxweyne ku xigeenka ayaa timid dhowr beri kadib markii magaalada Laascaanood iyo gobolka Sool laga saaray ciidanka Somaliland kadib ku dhawaad 8 bilood oo dagaal uu halkaas ku dhexmarayay ciidamada Somaliland iyo ciidanka SSC-Khatumo.
Jimcadii oo bishu ku beegnayd 25 August, 2023, ayaa dagaal ka dhacay duleedka Laascaanood lagu jabiyay ciidanka Somaliland. Dagaalka intii uu socday, ugu yaraan 120 qof oo katirsan ciidamada Somaliland ayaa la dilay, 300 oo kale ayaa la qabtay, oo uu kamid yahay taliyihii ciidanka Janaraal Faysal Cabdi Bootaan.
Madaxweyne ku xigeenka Puntland ayaa u gudbay deegaanka Guumays oo qiyaastii 78 km u jirta Laascaanood halkaas oo ay ku suganyihiin ciidamada SSC-Khaatumo. Madaxweynaha SSC-Khaatumo Cabdulqaadir Axmed Firdhiye iyo isimada ayaa madaxweyne ku xigeenka Puntland ku weheliyay safarkiisa Guumays.
Axmed Karaash, oo ka soo jeeda gobolka Sool, ayaa sheegay in dowladda Puntland ay dadka reer SSC-Khaatumo iyo taageero la garab taagantahay.
Somaliland ayaa sanadkii 2007 duulaan ku qabsatay magaalada Laascaanood, balse guushii ciidanka SSC-Khaatumo ee 25 August, 2023, ayaa soo afjartay 16 sanno oo ay halkaas ay maamulayeen.
Related Posts
August 17, 2016 Ciidamada dowlada Puntland oo howlgalo amaanka ah ka bilaabay magaalooyinka waa-weyn ee Puntland
January 21, 2020 As Turkey Shows Interest, Somalia Says Oil Tenders Open to All
February 4, 2017 Itoobiya oo diblomaasiyiin sare u soo dirtay Soomaaliya si ay gacan uga geystaan ololaha Xasan Shiikh
February 10, 2017 Puntland oo koonfurta Soomaaliya dib ugu celisay in ka badan 30 tahriibayaal ah oo kusii jeeday Yeman
Be the first to comment