Hargeysa-(Puntland Mirror) Muuse Biixi Cabdi oo ka tirsan xisbiga talada haya ee Kulmiye ayaa lagu dhawaaqay in uu ku guuleystay doorashadii madaxweynenimada Somaliland.
Muuse ayaa helay 55.19% codadka, halka ninkii ugu dhawaa ee la loolamayay Cabdiraxmaan Maxamed Cabdullaahi Ciro uu helay 40.73%, cod, sida maanta oo Talaado ah Guddiga Doorashooyinka ay kaga dhawaaqeen Hargeysa.
Ciro, oo ah musharax katirsan xisbiga Wadani ayaa Isniintii sheegay in xisbigiisu uusan aqbali doonin natiijada, isaga oo xusay in doorashada lagu shubta.
Asbuucii lasoo dhaafay, ku dhawaad 700,000 qof oo reer Somaliland ah ayaa dhiibtay codkooda si ay u doortaan madaxweyne cusub.
Somaliland oo ku taal woqooyi galbeed Soomaaliya, waxay isu tixgelisaa in ay tahay dowlad madaxbannaan, laakiin ma aqoonsana beesha caalamku.
Waa kuma Muuse Biixi?
Madaxweynaha cusub, Muuse Biixi Cabdi, waa 69-sanno jir, waxa uu katirsanaan jiray ciidamada cirka Soomaaliya kahor inta uusan noqon hoggaamiye jabhadeed, SNM oo ahayd dhaq-dhaqaaq ujeedadeedu ahayd sidii xukunka looga tuuri lahaa Maxamed Siyaad Bare.
Waxa uu wax ku bartay Midowgii Soofiyeedka ee burburay iyo Mareykanka.
Wuxuu hore u ahaan jiray Wasiirka Arrimaha Gudaha ee maamulkii Maxamed Ibarhim Cigaal, oo ahaa madaxweynihii hore ee Somaliland.
Muuse ayaa loo doortay guddoomiyaha xisbiga Kulmiye sanadkii 2010.
Dabayaaqadii 2015, waxaa loo doortay musharaxa madaxweynenimada xisbiga Kulmiye.
Related Posts
August 15, 2016 Puntland vice president’s security guards capture Amal bank building in Garowe
November 17, 2016 Gaalkacyo: Khilaaf ka taagan kala qaadida ciidamada Puntland iyo Galmudug
November 8, 2016 Intense fighting between Puntland and Galmudug erupts again in Galkayo town of Mudug region
March 7, 2017 Maxkamada ciidamada Puntland oo lix xubnood oo Al-Shabaab ah ku xukuntay 10 sanno oo xabsi ah
