Dagaalka dhawaan bilaabmay ayaa waxaa dib u dhigay qaraxyo ay ISIS galisay wadooyinka, sida ay sheegayaan saraakiisha.
Saraakiisha Ciraaq ayaa sheegay in qorshaha la sameeyay uu yahay in ciidamadoodu ay labo dhinac oo waa-weyn kaga yiamaadaan kooxda ISIS.
Taliyeyaasha xoogaga huwanta ah ayaa sheegay in howlgalka uu u socdo sidii loo qorsheeyay, inkastoo ay jiraan iska-caabin ka imaanaysa dagaalyahanada ISIS kuwaasoo weeraro isbiimayn ah soo qaadaya.
Xulufada Maraykanka ayaa sheegay in ay duqaymo ku burburiyeen 52 bartilmaameed malintii kowaad ee howlgalka.
“Tusmooyinka hore waxay muujinayaan in ciidamada Ciraaq ay la kulmeen ujeedooyinkoodii ilaa iyo hadda, ayna kusii jeedaan qorshahoodii,” Peter Cook, oo ah afhayeenka xoghayaha waaxda difaaca Maraykanka ayaa sidaa yiri.
Mowsil ayaa ah magaalada labaad ee ugu weyn dalka Ciraaq, waxayna Qaramada Midoobay ka cabsi qabtaa in ku dhawaad hal milyan ay guryahooda uga barakacaan dagaalka dartiis, iyada oo 700,000 kamid ah ay u baahanyihiin hoy.
Magaalada ayaa gacanta kooxda ISIS ku dhacday sanadkii 2014-kii.
Related Posts
July 13, 2024 Shan maxbuus, saddex ilaalo oo lagu dilay toogasho ka dhacday xabsi kuyaala Muqdisho
October 20, 2016 Waiyaha Al Jazeera Xamsa Maxamed oo laga sii daayay xabsi kuyaala Muqdisho
January 19, 2020 Maleeshiyada Al-Shabaab oo sheegtay in ay qabteen mid kamid ah diyaaradaha drone-ka Mareykanka
July 30, 2016 Somali police officer shot dead in Mogadishu
Be the first to comment