Sucuudi Caraabiya, Masar, Baxrayn iyo Isutaga Imaaraatka Carabta ayaa xiriirka diblomaasiyadeed u jaray Qatar shalay oo Isniin ahayd, iyaga oo ku eedeeyay in ay taageerto ururo argagixiso oo ka jira gobolka, balse Qatar waa ay diiday eedaymahaas.
Ibrahim Kalin, afhayeenka Erdogan ayaa sheegay in dowladdaha xubnaha ka ah Golaha Iskaashiga Khaliijka kuwaas oo xiriir ganacsi la leh Turkiga, ay murankooda ku xaliyaan wadashaqayn iyo wadahadal, sida ay ku warantay wakaalada wararka Turkiga ee Anadolu.
Afhayeenka ayaa sheegay in Madaxweyne Erdogan uu bilaabay dadaalo lagu qaboojinayo xiisada.
Erdogan ayaa khadka taleefoonka kula hadlay Amiirka Qatar Sheikh Tamim bin Hamad al-Thani, Madaxweynaha Ruushka Vladimir Putin, Amiirka Kuweit Sheikh Sabah al-Ahmad al-Jaber al-Sabah iyo Boqorka Sucuudiga Salman bin Abdulaziz Al Saud, sida ay ku warantay Anadolu oo soo xiganaysa ilo-wareedyo katirsan madaxtooyada Turkiga.
Related Posts
September 16, 2019 Madaxweyne Farmaajo oo Dhuusamareeb ku soo xiri doona shirka dib u heshiisiinta Galmudug
June 11, 2018 Madaxweynaha Puntland oo guddoomiye cusub u magacaabay gobolka Sool
February 19, 2022 Suicide Bomber Kills At Least 12 People as Somalia Readies Vote
August 5, 2018 Interim Mayor Rules Out Running for Garowe Mayor
Be the first to comment