Istanbul-(Puntland Mirror) Toban xubnood oo ciidamada amaanka Turkiga kamid ah ayaa lagu dilay labo weerar oo kala duwan oo ka dhacay koonfurta-bari ee dalka Turkiga, sida ay sheegeen warbaahinta maxaliga ah.
Lix kamid ah ciidamada Turkiga ayaa lagu dilay isku-dhac dhexmaray dagaalyahanada ururka laga mamnuucay Turkiga ee PKK oo ay leeyihiin Kurdiyiinta, weerarka ayaa ka dhacay magaalada Uludere ee gobolka Sirnak oo kuyaala meel u dhow xadka Ciraaq, sida ay sheegtay shalay oo Isniin ahayd wakaalada wararka dowlada Turkiga ee Anadolu.
Dhacdo kale oo lamid ah ayaa lagu dilay labo askari iyo labo waardiye tuulo lix kalena waa lagu dhaawacay weerar miinada dhulka lagu aaso ah oo ka dhacday gobolka Mardin, sida ay Isniintii shalay warisay Anadolu.
Waardiyeyaasha tuulada la dilay ayaa ahaa dad shacab ah kuwaasoo loo tababaray loona shaqaalaysiiyay in ay la dagaalamaan dagaalyahanada Kudiyiinta.
Turkiga iyo xulufadiisa Reer Galbeedka ayaa PKK ku daray liiska ururada argagixiso, PKK ayaa qaaday weeraro badan oo dhiig ku daatay oo ka dhan ah Turkiga tan iyo markii la asaasay sanadkii 1984-tii.
Related Posts
October 12, 2017 Iran oo cambaareysay badmaax dalkeeda u dhashay oo ay dileen ciidanka badda Puntland
October 5, 2016 Puntland transfers 26 Al-Shabab prisoners to Somali federal government
March 25, 2018 At least four killed in car bombing in Mogadishu
June 30, 2016 President Abdiweli to travel to Galkayo on Thursday
Be the first to comment