Moscow-(Puntland Mirror) Shan Ruush ah ayaa ku dhimatay kadib markii diyaarad nooca qumaatiga u kaca ah oo militariga lahaayeen ay ku burburtay waqooyiga dalka Suuriya, sida ay sheegeen Ruushka.
Diyaarada ayaa ku dhacday gobolka Idlib, waxayna siday saddex shaqaale ah iyo labo sarkaal, sida ay sheegtay wasaarada difaaca Ruushka.
Diyaarada ayaa kasoo noqotay marka ay dhacday gaarsiin caawimaad insaanimo oo ay geysay deegaan u dhow magaalada Aleppo, sida Ruushka sheegay.
Ma cadda kooxda soo riday diyaarada, balse gobolka ay diyaarada ku dhacday waxaa ku xoog badan kooxaha mucaaradka ee isbahaysiga ah oo ay kamidyihiin kooxaha jihaadiyiinta ah.
Shilka ayaa noqonaya kii ugu weynaa oo hal mar ay ku dhintaan dad intaas gaaraya oo Ruush ah tan iyo markii Ruushka ay bilaabeen bishii September ee sanadkii hore faragalintooda gudaha dalka Suuriya oo ay ku taageerayaan dowlada Madaxweyne Bashar al-Assad.
Dhimashada maanta ka dhalatay diyaarada la soo riday ayaa ka dhigaysa 18 tirada guud ee Ruushka looga dilay gudaha Suuriya.
Related Posts
October 2, 2019 Madaxweyne Deni oo ka hadlay sababta keentay in Puntland aysan ka qeybgalin shirka Somali Partnership Forum
July 2, 2016 Puntland: Shacab hagaagsan iyo hogaan la’aan
August 13, 2016 Golaha Amaanka ee Qaramada Midoobay oo ansixiyay ciidamo cusub oo nabad ilaalin ah oo loo dirayo Koonfurta Suudaan
February 26, 2017 Kalluumaysatada maxaliga ah ee Bandar-bayla oo ka cabanaya doonyo iyo maraakiib jariif daran ka wada xeebahaas
Be the first to comment