Ugu yaraan afar qof oo ay kamidyihiin labo ciidanka amaanka ah ayaa lagu dilay qarax ka dhacay banaanka hore ee masjidka Nabiga oo kuyaala magaalada Madiina ee dalka Sucuudi Caraabiya, sida ay sheegayaan wararka.
Sawirada lagu soo daabacay warbaahinta bulshada ayaa muujinaya qiiq ka baxaya banaanka masjidka Nabiga oo ah halka uu ku aasanyahay Nabi Maxamed (N.N.K.H).
Waxaa sababay qaraxa caawa oo Isniin ah fiidkii dhacay wali lama yaqaan. Wararka qaar ayaa sheegaya inuu ahaa isbiimayn, halka kuwo kale sheegayaan in dhuun shidaal ay qaraxday.
Qaraxa ayaa dhacay kahor Salaada Maqrib inta aysan dhicin qoraxda xilli ay dadka isku diyaarinayeen afurka oo ay ku lahaayeen gudaha masjidka.
Ma jirto cid sheegatay in ay iyagu ka dambayso.
Qaraxa ayaa imaanaya iyadoo bisha barakaysan ee Ramadaan ay sii dhamaanayso ayna soo food leedahay Ciida Fidriga.
Related Posts
March 28, 2020 Puntland oo joojisay isku socodka gaadidka ka imaanaya Somaliland iyo Itoobiya
December 31, 2019 Xubnaha aqalka hoose iyo aqalka sare ee Soomaaliya oo si wadajir ah u ansixiyay miisaaniyada 2020
November 19, 2017 Tartanka kubada cagta maamul goboleedyada Soomaaliya oo 7 bisha December ka furmi doona Kismaayo
July 1, 2017 Puntland soldier shot dead in Galkayo town
Be the first to comment