Ugu yaraan afar qof oo ay kamidyihiin labo ciidanka amaanka ah ayaa lagu dilay qarax ka dhacay banaanka hore ee masjidka Nabiga oo kuyaala magaalada Madiina ee dalka Sucuudi Caraabiya, sida ay sheegayaan wararka.
Sawirada lagu soo daabacay warbaahinta bulshada ayaa muujinaya qiiq ka baxaya banaanka masjidka Nabiga oo ah halka uu ku aasanyahay Nabi Maxamed (N.N.K.H).
Waxaa sababay qaraxa caawa oo Isniin ah fiidkii dhacay wali lama yaqaan. Wararka qaar ayaa sheegaya inuu ahaa isbiimayn, halka kuwo kale sheegayaan in dhuun shidaal ay qaraxday.
Qaraxa ayaa dhacay kahor Salaada Maqrib inta aysan dhicin qoraxda xilli ay dadka isku diyaarinayeen afurka oo ay ku lahaayeen gudaha masjidka.
Ma jirto cid sheegatay in ay iyagu ka dambayso.
Qaraxa ayaa imaanaya iyadoo bisha barakaysan ee Ramadaan ay sii dhamaanayso ayna soo food leedahay Ciida Fidriga.
Related Posts
January 29, 2019 Soomaaliya weli waa dalka ugu musuqmaasuqa badan dunida
March 8, 2017 Ciidamo gadoodsan oo la wareegay kantaroolka koonfureed ee magaalada Garoowe
October 13, 2018 Madaxweynaha Puntland oo ka gaabsaday in uu u tartamayo xilka mar labaad
May 7, 2017 Puntland President appoints new director of Puntland Aids Commission
