Raysulwasaare Binali Yildirim ayaa sheegay in labo booliis ah iyo lix shacab ah lagu dilay qaraxa oo dhacay subaxnimadii maantay oo Jimce ah.
Yildirim ayaa sheegay in todobo kamid ah dhaawacyadii hadda la daaweynayo, isagoo intaas ku daray in intii kale laga saaray isbitaalada.
Weerarka ayaa ahaa qarax kaari waxaana lagu qaaday xafiiska guddoomiyaha Diyarbakir, sida uu sheegay RW Turkiga, waxaana uu ku daray in masuuliyada weerarkaas ay sheegteen xisbiga la mamnuucay ee PKK.
Wararka warbaahinta ayaa sheegaya in qaraxa laga maqlayay dhammaan qaybaha magaalada uuna dhibaato u geystay dhismayaasha ka ag dhawaa.
Qaraxa ayaa dhacay saacado kadib markii ciidamada booliiska ay soo xireen 11 xildhibaan oo taageersan ururka PKK.
Tobonaan kun oo qof ayaa lagu dilay tan iyo markii ay PKK hubka qaadatay sanadkii 1984-tii, iyadoo ujeedkoodu yahay in ay samaystaan dowlad madax-banaan oo ay leeyihiin Kurdiyiinta Turkiga.
Related Posts
September 22, 2019 Ciidamado katirsan ilaalada madaxtooyada Puntland oo tababar loo soo xiray
December 15, 2016 Ciidamada ammaanka Ruushka oo Moscow ku fashiliyay weeraro argagixiso oo ay ISIS qorsheysay
June 9, 2016 Al-Shabaab oo sheegtay in dagaalyanadooda ku dileen bartamaha Soomaaliya 40 askari oo Itoobiyaan ah
April 12, 2019 Koox looga shaki qabo Al-Shabaab oo labo dhakhtar oo u dhashay Cuba ku afduubatay deegaanka Mandheera
Be the first to comment