Karachi-(Puntland Mirror) Ugu yaraan 63 qof ayaa lagu dilay weerar isbiimayn ah oo ka dhacay maanta oo Isniin ah isbitaal kuyaala magaalada Quetta ee koonfurta-galbeed dalka Pakistan, sida ay sheegeen saraakiisha.
Ku dhawaad 120 qof ayaa ku dhaawacmay qaraxa, kaasoo ka dhacay halka laga soo galo qaybta gaar-gaarka deg dega ah ee isbitaalka, halkaas oo uu yaalay maydka garsoore caan ahaa oo la dilay gelinkii hore ee maanta oo Isniin ah.
Dadka ku dhintay qaraxa isbiimaynta ahaa ayaa waxaa kamid ah, garsooreyaal iyo suxufiyiin kuwaasoo u tagay isbitaalka maydka garsooraha la dilay, Bilal Anwar Kasi.
Xabadaha qoryaha ayaa daba socday qaraxa. Ma cadda cida ay ahaayeen dadka weerarka geystay.
Magaalada qaraxa ka dhacay ee Quetta ayaa caasimad goboleed u ah gobolka Balochistan, kaasoo xuduud la leh wadamada Iran iyo Afghanistan, waxaana gobolkaas uu leeyahay khayraad badan oo saliid iyo gaas ah, waxaana ka jira dagaalo u dhaxeeya Suniyiinta iyo Shiicada, iyo kooxo kale oo taageera gooni-goosad.
Related Posts
September 27, 2020 Soomaaliya oo Mareykanka la saxiixatay hehiis deyn dhan $1 bilyan looga cafin doono
June 12, 2016 About 20 Dead, 42 Injured in Orlando Club Shooting, Police Say
October 13, 2020 Madaxweynaha Puntland oo safar ku jooga dalka Imaaraatka Carabta, muxuu yahay ujeedkiisu?
May 26, 2019 Madaxweynaha Puntland oo safarkiisii labaad ee dalka dibadiisa ah ku aaday Shiinaha
Be the first to comment