![Ciidamada Ciraaq oo la wareegay degmadii kowaad ee kutaala galbeedka magaalada Mowsil. [Xigashada Sawirka: Anadolu]](https://puntlandmirror.net/wp-content/uploads/2017/02/thumbs_b_c_f9339f3f96facedd7474df242f93971f.jpg)
“Ciidamada waxay si buuxda uga xoreeyeen ururka Daacish degmo kutaala dhanka galbeed ee Mowsil,” sidaa waxaa wakaalada wararka Anadolu u xaqiijiyay kornayl Abdel Salam al-Jubouri.
Ciiamada ayaa sidoo kale maanta la wareegay garoonka diyaaradaha Mowsil oo kuyaala koonfurta magaalada, sida ay xaqiijiyeen ilo-wareedyo ciidamada ah.
“Ciidamadayadu waxaa u suurtagashay in ay gacanta ku dhigaan garoonka diyaaradaha, waxaana ammaankooda sugaynaa terminaalka iyo run-wayka diyaaradaha, halka duleedka garoonka ay ka socdaan iska hor imaadyo,” Janaraal Abdelaziz al-Mosawi, oo ah taliyaha ciidamada birmadka ayaa sidaa Anadolu u sheegay.
Dhanka bari ee magaalada ayaa laga xoreeyay ISIS bishii lasoo dhaafay kadib dagaal culus.
Kumanaan ciidamada Ciraaq katirsan oo ay dabada ka riixayaan madaafiic iyo diyaaradaha dagaalka, ayaa ka qaybqaadanaya dagaalka lagu xoreynayo Mowsil.
Howlgalka ayaa waxaa hoos u riday walxaha qarxa oo ay ISIS gelisay jidka. Kooxaha miino saarka ayaa ciidamada kala qaybgalaya howlgalka si ay u saaraan qaraxyada jidka ay ISIS gelisay.
Howlgalka ISIS looga saarayo magaalada Mowsil ayaa bilaabmay bartamihii bishii Oktoobar ee sanadkii tagay. Mowsil ayaa gacanta maleeshiyada ISIS ku jirtay in ka badan labo sanno.
Related Posts
August 21, 2016 Qarax xaflad aroos u badalay murugo, ugu yaraan 30 qof oo ku dhimatay qaraxa oo ka dhacay Turkiga
July 22, 2016 Dhowr qof oo lagu dilay toogasho ka dhacday magaalada Munich ee dalka Jarmalka
June 11, 2016 Puntland security minister returns to Bosaso after medical treatment abroad
August 25, 2016 Al-Shabab attack seaside restaurant in Mogadishu
Be the first to comment