![Sawirka waxaa ka muuqda ninka safiirka dilay oo daba taagan inta uusan dilin [Sawirka: Twitter]](https://puntlandmirror.net/wp-content/uploads/2016/12/5858149b67b0a92c507d94b7.jpg)
Andrey Karlov oo ahaa safiirka Ruushka ee Turkiga ayaa khudbad jeedinayay marka laga toogtay gadaal dhowr jeer galabta oo Isniin ah, sida ay ku warameen warbaahinata Turkiga.
Afhayeenka wasaaradda arrimaha dibada ee dalka Ruushka, Maria Zakharova ayaa dhimashada Andrey Karlov ka sheegtay bayaan laga sii daayay taleefishinka.
Ninka weerarka geystay ayaa ah 22-jir ciidamada booliiska kamid ahaa kasoo ka shaqeynayay gudaha caasimada Turkiga ee Ankara, sida uu sheegay duqa Ankara.
Kadib markii uu toogtay safiirka, ninka weerarka geystay ayaa soo istaagay meeshii uu ka khudbadaynayay safiirku, sida laga arkay muuqaal ay saxaafadu baahisay.
Ninka toogashada geystay ayaa ka hadlay xaalada magaalada Aleppo ee dalka Suuriya, kadib markii uu falka geystay.
“Waxaanu ku dhimanay Aleppo, adiguna halkaan baa ku dhimanaysaa.” ayuu yiri ninka toogtay safiirkii Ruushka u fadhiyay gudaha Turkiga.
Wakaalada wararka Turkiga ee Anadolu ayaa ku warantay in ciidamada ammaanka ay toogteen ninka weerarka geystay kadib markii uu dagaalamay.
Dilka ayaa imaanaya maalin kahor shir ay wasiiradda arrimaha dibada Turkiga, Ruushka iyo Iran ku yeelan lahaayeen magaalada Moscow si ay uga wada-hadlaan arrimaha Suuriya.
Related Posts
March 1, 2019 Xeer ilaaliye ku xigeenka Puntland oo sheegay in dhacaan laga qaadi doonaa nimanka looga shaki qabo in ay ka dambeeyeen kufsi iyo dilka loo geystay gabadha yarta ah
September 9, 2019 Wasaaradda arrimaha dibada dowladda federaalka Soomaaliya oo xafiiska qunsuliyadaha ka furtay Garoowe
April 30, 2020 Wasaaradda arrimaha gudaha Puntland oo ka digtay roobab mahiigaan ah oo khasaare geysan kara
August 4, 2018 Wasiir ku xigeenka Wasaaradda Arrimaha Dibada Soomaaliya oo lagu eedeeyay musuqmaasuq
