Seattle-(Puntland Mirror) Nin qori ku hubaysan ayaa rasaas ku furay xarun mashquul badan oo dukaamayasi oo kutaala waqooyiga magaalada Seattle ee dalka Maraykanka, waxaana uu dilay afar qof kuwo kalena si xun ayuu u dhawacay kahor inta uusan baxsan, sida ay sheegeen haayadaha amaanka ee gobolka Washington ee Maraykanka.
Ilaalada gobolka Washington ayaa sheegay in toogashadu ay ka dhacday dukaanka Cascade Mall oo kuyaala magaalada Seattle.
Ciidamada amaanka ayaa ugaarsanaya ninkii toogashada geystay.
Sida ay sheegeen laamaha caafimaadka, afatra qof ee la dilay ayaa ahaa haween.
Dhacdooyinka toogashada ayaa kusoo noq-noqda gudaha Maraykanka, sababtoo ah dadka shacabka ah ayaa loo ogolyahay in ay guryahooda ku haystaan hubka fudud sida qoryaha, baastooladaha iyo mindiyaha.
Bartamihii bishii lasoo dhaafay ee June, ugu yaraan 49 qof ayaa la dilay kadib markii nin qori ku hubaysan uu rasaas huwiyay baar lagu caweeyo oo ay lahaayeen raga isku-jinsiga ah oo isku-taga oo kuyaala magaalada Orlando ee gobolka Florida ee dalka Maraykanka, kooxda ISIS ayaa sheegatay masuuliyada toogashadaas, kaasoo ahaa toogashadii ugu khasaaraha badnayd abid oo ka dhacda gudaha Maraykanka ooh al mar dad toogasho loogu geysto.
Related Posts
October 18, 2016 Janaraal Moorgan oo u dhow in uu kamid noqdo xubnaha aqalka sare
August 25, 2016 Guddoomiyaha bangiga dhexe ee Soomaaliya Bashiir Ciise Cali oo sheegay in lacag dhan $530,000 laga xaday bangiga
August 14, 2016 Ciidamo Maraykan ah oo 30 maleeshiyaad Al-Shabaab ah ku dilay koonfurta Soomaaliya
April 12, 2018 Saddex qof oo ku dhaawacantay shil gaari oo ka dhacay gudaha Boosaaso
