“Arrin aan maqlay oo Muuse Biixi la yiri cunaqabatayn ayuu ku soo rogay Sanaag, arrin lala yaabo weeye, cunaqabatayn mana saari karo, Alle ‘SWC’-na ma saarin. Waxaan farayaa haayadaha uu beenta u sheegayey iyo dowladda Puntland-ba in si deg deg ah looga hortago arrintaasi been abuuur ka ah.” Ayuu yiri Axmed Cilmi Cusmaan.
Madaxweyne ku xigeenka ayaa sheegay in Al-Shabaab aysan joogin gobolka Sanaag, waxaana uu ku eedeeyay maamulka Somaliland in ay gabaad siiyaan maleeshiyada.
“Shabaabka uu leeyay Dhahar ayay joogaan, Shabaab Puntland ma joogto mana taageerto, Shabaab iyo Puntland waa kuwa dagaalku ka dhexeeyo har iyo habeenba, waxaanu leenahay meesha lagu badbaadiyo waa Soomaaliland, xariiq ma gaarsiin reer Burco iyo reer Hargeysa iyo Jeegaanta Midna, halkanna dagaalka ka dhex socda waad la socotaan, markaa Shabaab anagu ma haynee halkaas ayay jiraan, Soomaliland ayaa laga soo taakuleeya.” Ayuu yiri.
Waxaa jira warar soo baxaya oo sheegaya in madaxweynaha maamulka Somaliland Muuse Biixi Cabdi uu sheegay in haayadaha caalamiga ah aysan ka shaqayn karin gobolka Sanaag, isaga oo yiri waa gobol ay joogaan ururo argagixiso.
Bilihii u dambeeyay, xiisada u dhaxeysa Puntland iyo Somaliland ee ka taatan gobolka Sanaag ayaa sii kordheysay.
Dhawaan, ku dhawaad 200 ciidamo Somaliland katirsaanaa iyo saraakiishooda ayaa ka soo goostay iyaga oo si rasmi ah ugu biiray Puntland.
Related Posts
July 2, 2016 Somali Islamic scholar shot dead in Mogadishu
June 24, 2016 RW Soomaaliya Sharmaake oo xil ka qaadis ku sameeyay labo wasiir oo haween ah
September 28, 2016 Ugu yaraan 20 dagaalyahan oo Al-Shabaab looga shaki qabo oo lagu dilay weerar ay ciidamada dowlada Puntland ka geysteen deegaanka Jeexdin ee gobolka Mudug
February 13, 2020 Amnesty International oo sheegtay in wariyeyaasha Soomaaliya aysan bartilmaameedsan Al-Shabaab oo keliya, balse ciidanka dowladda
