Isaga oo ka hadlayay shir saxaafadeed ka dhacay Boosaaso maanta oo Isniin ah, Madaxweynaha Puntland Cabdiweli Maxamed Cali ayaa sheegay in Isutaga Imaaraatka Carabta ay sii wadi doonaan tababarka iyo mushahaar siinta ciidamada PMPF.
Madaxweynaha Puntland ayaa beeniyay in Imaaraatka Carabta ay joojiyeen taagerada PMPF. Waxaana uu Imaaraatka Carabta uga mahadceshay taageeradooda ciidanka.
Madaxweyne Cabdiweli ayaa ku tilmaamay ciidanka PMPF in ay kamidyihiin kuwa ugu tababarka fiican Soomaaliya, kuwaasoo kaalin weyn ka ciyaara ammaanka guud ee Soomaaliya gaar ahaan Puntland.
Wakaalada wararka Imaaraatka Carabta ee WAM ayaa Axadii sheegtay in Dubai ay joojisay barnaamijkii tababarka ciidamada ee Soomaaliya, iyada oo intaas ku dartay in Imaaraatka uu sii kormeeri doono ciidanka la dagaalanka burcadbadeeda ee ku sugan Puntland.
Imaaraatka Carabta ayaa bilaabay taageerada ciidamada PMPF sanadkii 2011 xilligii maamulkii Madaxweyne Cabdiraxmaan Faroole.
Related Posts
October 12, 2021 ICJ oo inta badan Soomaaliya u xukuntay muranka badda ee kala dhaxeeya Kenya
March 12, 2020 Wasiirka Arrimaha Dibada Soomaaliya oo kulan kula yeeshay Nairobi dhiggiisa Kenya
September 12, 2016 Wasaarada dekadaha Puntland oo yeelatay dhisme cusub oo qurux badan
July 29, 2017 Diyaaradaha dagaalka Kenya oo duqeyn ka geystay deegaano kuyaala gobolka Gedo
Be the first to comment