Baraawe-(Puntland Mirror) Wefdi balaaran oo uu hoggaaminayo madaxweynaha maamulka Koonfur Galbeed Shariif Xasan Shiikh Aadan ayaa maanta oo Sabti ah tagay magaalada Baraaawe ee gobolka Shabeelaha Hoose.
Sida ay ilo-wareedyo u sheegeen warsidaha Puntland Mirror ujeedka Shariif Xasan ayaa ah sidii maamulkiisa uu ugu guuri lahaa magaalada Baraawe oo ah caasimada maamulkaas.
Magaalada Baydhabo ee caasimada gobolka Baay ayaa hadda ah xarunta kumeelgaarka ah ee maamulka Koonfur Galbeed.
Xarunta aqalka madaxtooyada maamulka Koonfur Galbeed ee Baraawe ayaa dhismihiisa la dhameeyay waxaana lagu wadaa in madaxweyne Shariif uu si rasmiya xariga uga jaro kadibna uu dowladiisa ugu raro magaalada.
Guddoomiyaha magaalada Baraawe Xuseen Jeex oo saxaafada la hadlay ayaa sheegay in si dhaqso ah maamulka Koonfur Galbeed uu ugu soo guuri doono caasimada rasmiga ah ee Baraawe.
Baraawe ayaa ah magaalo xeebeed taariikhi ah oo saaran Badweynta Hindiya .
Related Posts
September 11, 2016 Ku dhawaad 1.5 milyan oo Xujay ah oo taagan buurta Carafa si ay u gutaan acmaasha Xajka
July 31, 2018 Qaramada Midoobay oo dib u dhigtay dhimista ciidamada AMISOM ee jooga Soomaaliya
December 14, 2022 Nin fududeeyay weerar lagu qaaday garoonka Muqdisho oo lagu xukumay dil toogasho ah
April 2, 2018 Milatariga Mareykanka oo sheegay in shan maleeshiyo oo Al-Shabaab ah ay ku dileen duqeyn ka dhacday gobolka Galgaduud
Be the first to comment