Muqdisho-(Puntland Mirror) Maleeshiyada Al-Shabaab ayaa sheegtay in ay qabteen mid kamid ah diyaaradaha aan cidina wadin ee drones-ka Mareykanka kadib markii ay ku soo dhacday deegaanka Tooratoorow ee gobolka Shabeellaha Hoose.
Sawiro ay baahiyeen warbaahinta Al-Shabaab maanta oo Axad ah ayay ku sheegeen burburka diyaarada drone-ka ah.
Waxay intaas ku dareen in diyaarada oo nooceeda ay ku sheegeen drones-ka wax basaasta ay maalmihii u dambeeyay ku wareegaysay deegaankaas.
Ma jirto xaqiijin dhab ah oo ku saabsan arrintaas marka laga reebo sheegashada Al-Shabaab.
Ma ahan markii ugu horeysay oo ay Al-Shabaab sheegato in ay qabteen diyaaradaha drones-ka oo ku soo dhacday deegaanada ay joogaan, horey ayay sidaan oo kale u sheegeen.
Labadii sanno ee u dambeeyay, Mareykanka ayaa kordhiyay duqeymaha cirka ee ka dhanka ah maleeshiyada xagjirka ah Al-Shabaab ee ku sugan gudaha Soomaaliya, waxaana lagu dilay duqeymahaas tobonaan dagaalyahan.
Related Posts
July 8, 2016 Lix qof oo ku dhimatay weerar isbiimayn ah oo Booko Xaaraam ka geysatay masjid ku yaala Nigeria
April 22, 2020 Soomaaliya oo kaalinta labaad kaga jirta tirada dhimashada COVID-19 ee Geeska Afrika
April 24, 2019 Sargaal sare oo katirsanaa Al-Shabaab oo isku dhiibay dowladda federaalka Soomaaliya
March 8, 2017 Mutinous Puntland forces seize southern checkpoint of Garowe
Be the first to comment