Labo doonyood oo xawaare sare ku socda oo ay saaranyihiin lix burcadbadeed ah oo hubeysan ayaa markabka rasaas ku furay, laakiin ilaalada markabka saarnayd ayaa ugu jawaabay rasaas, sida uu ku waramay Taleefishinka Sky News, oo soo xiganaya mulkiilaha markabka.
Markabka ayaa rasaas haleeshay balse maahan mid khasaare geysatay sidoo kalena waxyeelo ma gaarsiin xamuulka markabka, sida uu Sky News u sheegay mulkiilaha markabka oo la dhaho Stolt-Nielsen.
Markabka oo magaciisa la dhaho Stolt Apal ayaa ka soo shiraacday magaalada Jubail ee dalka Sucuudiga Caraabiya, waxaana la sheegay inuu u socday Yanbu, dhinaca kale ee Jasiiradda Carbeed, dhanka koonfureed ee Kanaalka Suweys.
Sannadkii 2008 markab kale oo ay leedahay shirkadda Stolt Valor, ayaa waxaa Gacanka Cadmeed ku afduubay burcad-badeed Soomaali ah. Shirkadda ayaa aakhirkii bixisay madaxfurasho siideynta markabka iyo shaqaalihii saarnaa.
Sida laga soo xigtay shirkadda amniga badda ee Dryad Global, tani waa dhacdadii sagaalaad ee laga soo sheegey Gacanka Cadan intii lagu guda jiray 2020.
Related Posts
January 3, 2017 Ugu yaraan 19 qof oo ku geeriyooday dagaal cusub oo ka dhacay dalka Yeman oo u dhaxeeya falaagada Xuutiyiinta iyo xoogaga taabacsan dowladda
January 18, 2021 Milatariga Mareykanka oo sheegay in ay dhammeystireen kala bixista ciidankooda Soomaaliya
June 7, 2016 Hilary Clinton oo gaartay tirada looga baahanyahay in Dimuqraadiga ugu magacaabo musharax Madaxweyne
May 25, 2023 Puntland: Dadka oo codkooda dhiibanaya markii ugu horeysay 54 sanno kadib
