Maalmihihii u dambeeyay warbaahinta Soomaaliya iyo kuwa gobolka ayaa qorayay in madaxweynaha Dowladda Federaalka Soomaaliya Maxamed Cabdullaahi Farmaajo uu hoggaamiyaha maamulka Somaliland kula kulmi doono magaalada Addis Ababa ee dalka Itoobiya.
Madaxweynaha oo maalmihii u dambeeyay kulamo ku tagay dalalka Burundi iyo Jabuuti ayaa galabta oo Arbaco ah dib ugu soo noqon doono magaalada Muqdisho, ee caasimada Soomaaliya.
Wadahadalada u dhaxeeyay Dowladda Federaalka Soomaaliya iyo maamulka Somaliland oo dalka Turkigu gar-wadeen ka ahaa ayaa sanadihii lasoo dhaafay istaagay, kadib markii wax guul ah laga gaari waayay intii ay socdeen xilligii xukuumadii Xasan Shiikh Maxamed.
Turkiga ayaa isku dayaya in uu markale soo celiyo wadahadaladii. Horaantii bishaan Febaraayo Turkiga ayaa safiirkeedii hore ee Soomaaliya Olgan Bakar u soo magacaabay ergayga gaarka ah ee wadahadalada Dowladda Federaalka Soomaaliya iyo maamulka Somaliland, waxaana uu safar ku tagay Muqdisho iyo Hargeysa.
Somaliland, oo ah maamul kuyaala waqooyiga galbeed ee Soomaaliya ayaa sheegay in ay Soomaaliya ka goosteen sanadkii 1991, balse wax aqoonsi ah kama helin caalamka.
Related Posts
February 10, 2018 Mareykanka oo cunoqbatayn ku soo rogay ganacsade Soomaali ah oo lagu eedeeyay in uu taageero kooxda ISIS
May 4, 2020 Dhammaan lix qof oo saarnaa oo ku dhintay diyaarad qalab caafimaad siday oo ku burburday gobolka Bay
April 10, 2019 Madaxweynaha Puntland oo kulan la yeeshay masuuliyiin sare oo katirsan Rukta Ganacsiga Abu Dhabi
August 10, 2016 Madaxweyne Cabdiweli: Cali Khaliif waxaa ku dhacay xanuunka Stockholm syndrome
Be the first to comment