Sargaal katirsan ciidamadda dowladda Soomaaliya, oo magaciisa codsaday in aan la sheegin, ayaa warsidaha Puntland Mirror u sheegay in ciidanku ay joojiyeen gaari qarax oo u muuqday inuu ku sii jeeday garoonka diyaaradaha Muqdisho, waxaana ku dhintay qofkii ismiidaamiyaha ahaa.
Gaari labaad ayaa ku qarxay bar kantarool kutaala Muqdisho kadib markii ciidanku ay joojiyeen, waxaana ku dhintay labo qof oo loo maleynayo in ay ahaayeen dagaalyahano katirsan Al-Shabaab, sida uu sargaalku sheegay.
Ugu yaraan saddex askari ayaa ku dhaawacantay qaraxyada, sargaalka ayaa intaas ku daray.
Ma jirto koox sheegatay masuuliyadda, balse ururka hubeysan ee Al-Shabaab ayaa mar walba fulisa qaraxyadda caasimada Muqdisho.
Weerarada maanta oo Jimce ah ayaa dhacay saacado yar kadib markii Muqdisho ay martigelisay markii ugu horeysay orod dheer tan iyo sanadkii 1991.
Related Posts
July 24, 2017 Ugu yaraan afar askari oo katirsan maamulka Koonfur Galbeed oo lagu dilay qarax
April 5, 2017 Xoghayaha Guud ee Qaramada Midoobay: Dambiyo dagaal ayaa ka socda gudaha Suuriya
June 29, 2020 Baarlamaanka Puntland oo dowladda ugu baaqay in aysan ka qeybgalin shirka Muqdisho
June 10, 2018 Madaxweynaha Puntland oo xariga ka jaray waddo cusub oo laami ah oo laga dhisay Garoowe
