Garoowe-(Puntland Mirror) Raysulwasaairihii hore ee Soomaaliya Cumar Cabdirashiid iyo madaxweynihii hore ee Puntland Cabdiweli Maxamed Cali oo wada dedaalo lagu xalinayo khilaafka siyaasadeed ee ka jira Puntland ee ku saabsan doorashooyinka soo socda ee baarlamaanka iyo madaxweynaha, ayaa maanta gaaray magaalada Qardho.
Waxay kulan la yeesheen Boqor Burhaan Boqor Muuse oo fadhigiisu yahay Qardho, gobolka Karkaar, sida ay sheegeen ilo-wareedyo ka ag dhow kulanka, kaasoo looga wadahadlay khilaafka jira iyo sidii xal deg-deg ah loo gaari lahaa.
Masuuliyiinta hore oo asbuucii la soo dhaafay yimid Garoowe, ayaa wadahadalo la yeeshay qeybaha kala duwan ee bulshada oo ay ku jiraan siyaasiyiinta, madaxweyne Siciid Cabdullahi Deni, iyo odayaasha dhaqanka.
Siyaasiyiintan ayaa hadda u muuqda kuwo xal u raadinaya khilaaf ka taagan shirguddoonka isimada oo u dhaxeeya Islaan Ciise Islaan Maxamed iyo Boqor Burhaan Boqor Muuse. Isimada oo ah marjaca ugu sareeya ee Puntland, ayaa la filayay in ay shir isuhu yimaadaan si ay uga arrinsadaan khilaafka siyaasadeed ee ka jira Puntland iyo hanaanka doorashooyinka 2024.
Related Posts
April 30, 2020 Wasaaradda arrimaha gudaha Puntland oo ka digtay roobab mahiigaan ah oo khasaare geysan kara
November 17, 2018 Madaxweynaha Puntland oo Yaasiin Cabdisamad u magacaabay duqa kumeelgaarka ee Gaalkacyo kadib markii uu kala diray golihii deegaanka
February 26, 2017 President Abdiweli expected to reshuffle his cabinet ministers
November 5, 2018 Golaha Ammaanka ee Qaramada Midoobay oo dooneya in ay cunoqabateynta ka qaadaan Eriteeriya
Be the first to comment