![Diyaaradaha dagaalka Ruushka oo si aan kas ahayn duqeyn ugu dilay saddex askari oo Turki ah gudaha Suuriya. [Sawirka: Archive]](https://puntlandmirror.net/wp-content/uploads/2017/02/rus.jpg)
Taliyaha ciidamada Turkiga Hulusi Akar ayaa sheegay in 11 askari ay sidoo kale ku dhaawacmeen markii diyaaraduhu si aan kas ahayn u duqeeyeen dhisme ay ku sugnaayeen ciidamo katirsan Turkiga.
Taliyaha ayaa sheegay in shilku uu dhacay maanta oo Khamiis ah.
Askartii dhaawacantay ayaa si deg deg ah loogu qaaday isbitaalka.
Khadka taleefoonka oo uu kula hadlay Madaxweyne, Recep Tayyip Erdogan, dhiggiisa Turkiga Vladimir Putin ayaa ka tacsiyeeyay dilkaas, sida ay bayaan ku sheegtay madaxtooyada Ruushka maanta oo Khamiis ah.
Bayaanka ayaa sidoo kale lagu sheegay in labada hoggaamiye ay isku raaceen in la sameeyo wada-shaqayn milatari marka la sameynayo howlgalada ka dhanka ah maleeshiyada ISIS iyo ururada kale ee xagjiriinta ah ee ku sugan gudaha Suuriya.
Gobolka Al-Bab oo duqeyntu ka dhacday ayaa u dhow xadka koonfureed ee Suuriya la leedahay Turkiga.
Related Posts
November 8, 2016 Dagaal culus oo u dhaxeeya Puntland iyo Galmudug oo dib uga qarxay duleedka koonfureed ee magaalada Gaalkacyo
March 15, 2021 Soomaaliya oo heshay qeybtii ugu horeysay ee talaalka COVID-19
March 4, 2017 Madaxweynihii hore ee Soomaaliya Xasan Shiikh Maxamuud oo loo dhaarshay xubinimada baarlamaanka
July 23, 2019 Madaxweynaha Puntland oo codsaday in la baaro warbixinta New York Times ee sheegaysa in Qatar ay ku lug lahayd weeraro argagixiso oo ka dhacay magaalada Boosaaso
