Damascus-(Puntland Mirror) Afhayeenka ugu weynaa ee ururka ISIS, Abu Maxamed Al-cadnaani ayaa lagu dilay gobolka Aleppo ee dalka Suuriya, sida uu sheegay website-ka ku dhow kooxda ISIS.
Website-ka Amaq oo kamid ah warbaahinta lala xiriiriyo ISIS, ayaa sheegay shalay oo Talaado ahayd in Cadnaani la dilay isagoo kormeerayay howlgalo militari oo ka socda Aleppo.
Cadnaani ayaa lagu qeexi jiray hoggaamiyaha labaad ee ugu sareeya kooxda hubaysan ee ISIS, wuxuuna ahaa mid kamid ah masuuliyiinta ugu xilhaynta dheer ee kooxda.
Faahfaahinta ku saabsan dhimashada Cadnaani ayaan wali cadayn.
Cadnaani ayaa kamid ahaa afar sarkaal oo sare oo Maraykanka uu aad u raadinayay, waxaana madaxiisa dulsaarnaa lacag dhan $5 milyan oo lagu abaalmarinayo cidii soo sheegta warbixin ku saabsan oo lagu soo qabanayo.
Bilowgii sanadkan, ayuu ku baaqay in weeraro culus la qaado inta lagu guda jiro bisha Barakaysan ee Ramadaan. Sidoo kale wuxuu ku baaqay weeraro in lagu qaado wadamada Reer Galbeedka.
Kooxda ISIS ayaa maamusha dhul badan oo kuyaala wadamada Suuriya iyo Ciraaq, waxayna dagaal kula jirtaa ciidamada uu dabada ka riixayo Maraykanka iyo jabhadaha kale ee jooga labadaas dal.
Related Posts
January 23, 2017 Madaxweynaha Turkiga Erdogan oo tagay dalka Tanzania
June 4, 2016 3 Somali-Americans Found Guilty of Trying to Join Islamic State
August 11, 2016 Ethiopia oo kasoo horjeesatay kormeerayaal baara dilal ka dhacay dalkeeda oo ay Qaramada Midoobay dalbatay
April 6, 2019 Madaxweyne Deni: Dilkii Paul waxa uu u soo jiiday Puntland dhaawac aad u badan
