Garoowe-(Puntland Mirror) Xildhibaan katirsan golaha baarlamaanka dowlada Puntland ayaa gacanta u galay ciidamada maamulka Somaliland maanta oo Isniin ahayd, sida uu sheegay mid kamid ah baarlamaanka Puntland.
Xildhibaan Maxamed Faarax Aadan (Can-jeex) iyo shan kamid ah ilaaladisii ayaa waxaa jidka u galay ciidamada Somaliland.
Xubin kamid ah baarlaamanka Puntland ayaa warsidaha Puntland Mirror u xaqiijiyay in xildhibaanka uu gacanta ugu jiro ciidamada maamulka Somaliland kadib markii ay jidka u galeen xilli uu marayay deegaan u dhow halka uu dagaalkii maanta ka dhacay.
Can-jeex ayaa sidoo kale soo noqday wasiir ku-xigeenkii cadaalada Puntland.
Ciidamada Puntland iyo Somaliland ayaa maanta gelinkii hore ku dagaalamay deegaanka Booda-cade oo qiyaastii 35km kaga beegan dhanka galbeedka magaalada Dhahar.
Sida ay sheegayaan warar uu warsidaha Puntland Mirror ka helayo deegaanadaas ciidamo aad u badan oo gaashaaman oo ka socda Puntland ayaa gelinkii dambe ee maanta halkaas gaaray.
Related Posts
May 25, 2019 Maleeshiyada ISIS oo sheegatay masuuliyada weerar lagu dilay labo askari oo Puntland ah oo ka dhacay Boosaaso
November 22, 2016 Guddoomiyaha guddiga doorashooyinka Soomaaliya ee heer Puntland oo sheegay in caqabado dhaqaale oo haysta ay hakad galisay hab u socodka doorashada aqalka hoose
December 11, 2018 Mooshinkii ka dhanka ahaa Madaxweyne Farmaajo oo burburay
March 21, 2017 Car bomb in Mogadishu kills at least five people
Be the first to comment