Dagaalkii shalay oo u dhaxeeyay ciidamada dowlada Puntland iyo kuwa maamulka Galmudug ayaa ka dhacay duleedka koonfureed ee magaalada, waxaana uu ahaa dagaal la isku adeegsaday madaafiic cul culus oo laga maqlayay dhamaan magaalada Gaalkacyo.
Dagaalka ayaa ka bilaabmay kadib markii dhanka Galmudug ay madaafiic kusoo rideen xaafada Garsoor, iyada oo jawaab laga bixinayo, ciidamada Puntland ayaa weerar culus ku qaaday fariisimihii maleeshiyadii Galmudug ee ay madaafiicda kasoo ridayeen, ciidamada Puntland ayaa halkaas la wareegay markii dambe, sida ay sheegeen ilo-wareedyo lagu kalsoonaan karo.
Wali si cad looma oga khasaarihii dagaalkii shalay dhacay, balse dadka deegaanka ayaa warsidaha Puntland Mirror u sheegay in dagaalkaas uu ka dhashay khasaaro dhimasho iyo dhaawac leh.
Dhismaha maxjarka oo socda
Duqa magaalada Gaalkacyo Maxamuud Yaasiin Tumay ayaa sheegay in uu meel wanaagsan marayo dhismaha maxjarka.
Tumaya ayaa sheegay in uusan hakan doonin dhismaha maxjarka hadana uu marayo meel gabagabo ah.
Dhismaha maxjarka ayaa la aaminsanyahay in uu ka dhashay dagaalka hadda ka socda kadib markii bilowgii bishaan maleeshiyaad kasoo jeeda Galmudug oo diidan dhismaha maxjarka ay weerar kusoo qaadeen halka uu hadda ka socdo dhismahiisu oo ah duleedka xaafada Garsoor ee qaybta Puntland maamusho ee magaalada Gaalkacyo.
Gaalkacyo ayaa u qaybsanta labo dhinac, mid waxaa maamusha dowlada Puntland mida kalena maamulka Galmudug.
Barakac ka bilaabmay magaalada
Dadka ayaa u barakcay qaybo kamid ah magaalada gaar ahaan qaybta waqooyi ee Puntland halka kuwo kalena ay u barakaceen deegaanada miyiga ah eek u dhow magaalada.
Related Posts
October 19, 2016 Death toll from Al-Shabab attack in Afgoye town rises to 15
October 8, 2022 Shan askari oo katirsan PMPF oo lagu dilay qarax miino oo ka dhacay buuralayda Bari
August 12, 2018 Sargaal sare oo katirsanaa ciidamada maamulka Somaliland oo goostay
January 26, 2018 Puntland Minister of Agriculture and Irrigation dies in Mogadishu
Be the first to comment