Nairobi-(Puntland Mirror) Taliyaha ciidamada difaaca (KDF) ee Kenya Janaraal Samson Mwathethe ayaa sheegay in maleeshiyada al-Shabaab ay khasab ku qoranayso dhalinyarada kunool deegaanada xeebta ee dalka Kenya.
Taliyaha ayaa sheegay in al-Shabaab ay ku guul daraysatay codsigeeda dhalinyarada hadana ay xoog iyo khasab ku qoranayso dhalinyarada.
“Kooxaha argagixisada ah sida al-Shabaab waxa ay badaleen kaartadoodii ay ku qoranayaan kuna tababarayaan dadka. Hadda waxay dhalinyarada ku khasbayaan in ay ku biiraan iyaga,” ayuu yiri Samson Mwathethe.
Ugu dambayna taliyaha ciidamada difaaca ee dalka Kenya ayaa sheegay in Kenya ay wajahayso weeraro argagixiso, wuxuuna dadka Kenya u sheegay in ay feejignaadaan.
“Kenya waa wadan kamid ah wadamada aduunka kaasoo hadda wajahaya caqabadaha weerarada argagixiso waxaana waajib ku ah dhamaan dadka reer Kenya in ay feejignaadaan ayna wargeliyaan haayadaha amaanka cidii ay ka shakiyaan,” ayuu yiri.
Kooxda al-Shabaab ayaa dagaalo jabhadayn ah iyo weeraro qorshaysan ka wada dalka Kenya, ciidamada Kenya oo ka hoos shaqeeya howlgalka AMISOM ayaa sanadkii 2012-ka maleeshiyada al-Shabaab ka saaray magaalo xeebeedka Kismaayo oo ay kooxda ka heli jirtay dhaqaale badan oo muhiim u ahaa howlaheeda.
Related Posts
April 26, 2020 Tirada guud ee dhimashada coronavirus ee Soomaaliya oo gaartay 23 qof
February 28, 2020 Ugu yaraan 11 qof oo ku dhimatay dagaal u dhaxeeya ciidamada Dowladda Federaalka Soomaaliya iyo Ahlu Suna Waljamaaca
June 14, 2016 French police chief and his wife killed in stabbing claimed by ISIS
January 23, 2018 Raysulwasaaraha Soomaaliya oo gaaray Switzerland si uu uga qeybgalo shirka Madasha Dhaqaalaha Adduunka
Be the first to comment