Xaaska ninkii qoriga watay kaasoo 49 qof ku dilay baar ay leeyihiin raga isku-tagga oo ku yaala magaalada Orlando ee Maraykanka ayaa la maxkamadaynayaa iyadoo lala xiriirinayo weerarkaas, sida ay sheegayaan warbixinada.
Xeer ilaaliyaasha ayaa bilaabay baaritaanka Nuur Salmaan, oo ah xaaska ninkii weerarka geystay, Cumar Matiin, sida ay ku waramayaan ilo-wareedyo ay soo xigteen taleefishinka Fox News iyo wakaalada wararka Reuters.
Waxaa la sheegay in ay booliiska u sheegtay in ay isku dayday in ay ninkeeda ka joojiso inuusan weerarin baarkaas lagu magacaabo Pulse.
Weerarka Florida ayaa ahaa kii ugu xumaa taariikhda Maraykanka oo dad intaas la eg hal meel isku mar lagu toogto.
Konton iyo saddex qof ayaa ku dhaawacantay weerarkaas oo ay lix qof ku suganyihiin xaalad daran.
Sidoo kale, haweenta ayaa la wareysanayay ilaa iyo markii uu weerarka dhacay, balse lama xirin.
Madaxweynaha Maraykanka Obama ayaa booqan doona baarka Pusle oo toogashada ka dhacday maalinta beri oo Khamiis ah.
Related Posts
January 25, 2017 Baarlamaanka Soomaaliya oo mudeeyay doorashada madaxweynaha
March 5, 2017 One person dies of thirst in Nugal region
August 1, 2018 Muxuu Khayre uga baaqsaday dhagax dhiga dhismaha dekada Garacad?
April 11, 2017 Ciidamada amniga maamulka Galmudug oo soo badbaadshay dooni ganacsi oo laga leeyahay Hindiya, balse burcadbadeeda ayaa ka xaystay sagaal katirsan shaqaalaha doonta saarnaa
Be the first to comment