Gaalkacyo-(Puntland Mirror) Ciidamada PSF Puntland iyo kuwa dowlada federaalka Soomaaliya ee Danab ayaa maanta oo Isniin ah kusoo qabtay magaalada Gaalkacyo hub iyo gaari.
Gaariga iyo hubka ayaa ciidamada sheegeen inuu lahaa sarkaal Al-Shabaab ah, oo la dhaho Nuur Deeq, kaasoo Al-Shabaab u qaabilsanaa dilalka ka dhaca magaalada Gaalkacyo.
Gaariga ayaa ah Land Cruiser gaar ahaan nooca Soomaalida u taqaan (Laylo Calaawi), waxaana gaarigaas oo lahaa ilaa iyo afar taariko loo adeegsan jiray dilalka khaarajinta ah ee ka dhaca magaalada, sida ay sheegeen saraakiisha ciidamada.
Dhawaan ayaa howlgal wadajir ah oo ay ciidamada kumaandooska Puntland iyo kuwa dowlada federaalka ay ka fuliyeen koonfurta magaalada Gaalkacyo waxay kusoo qabteen ilaa iyo shan sarkaal oo Al-Shabaab ah oo uu ku jiro sarkaal ajnabi ah oo kooxda Al-Shabaab u qaabilsanaa farsamada qaraxyada.
Wali waxaa socda howlgalo wadajir ah oo ay wadaan labada ciidaan ee iskaashanaya.
Intii lagu guda jiray sanadkan 2016-ka ayaa waxaa magaalada Gaalkacyo ka dhacay weeraro badan oo lagu dilay saraakiil katirsanaa dowlada Puntland oo uu kamid ahaa madaxii wasaarada maaliyada Puntland ee gobolka Mudug, Siciid Cali Yuusuf (Gaadayare), kaasoo ay dilkiisa sheegteen kooxda Al-Shabaab.
Related Posts
April 5, 2019 Mareykanka oo qirtay in labo qof oo shacab ah ay ku dileen duqeyn ka dhacday gudaha Soomaaliya sanadkii 2018
August 4, 2016 Sudan oo sheegtay in ay kordhinayso deeqaha waxbarasho ee ay siiyaan ardada Soomaaliyeed
January 4, 2020 Mareykanka oo qaaday duqeyntiisii ugu horeysay ee Soomaaliya sanadka 2020
November 11, 2017 Wasiirka Warfaafinta Soomaaliya oo sheegay in ugu yaraan 81 maleeshiyo Al-Shabaab ah lagu dilay gobolka Jubbada Dhexe
