![Ciidamada amaanka Puntland (PSF) oo uu Maraykanka tababaro. [Sawirka: Archive]](https://puntlandmirror.net/wp-content/uploads/2016/11/Puntland-.jpg)
Sargaal katirsan ciidamada amaanka Puntland oo ka gaabsaday magaciisa ayaa warsidaha Puntland Mirror u sheegay in dowlada ay ciidamo badan u dirtay magaalo xeebeedka.
“Boqolaal katirsan ciidamada qalabka sida ee Puntand ayaa loo diray magaalo xeebeedka Qandala si ay halkaas howlgalo ugu qaadaan ka dhan ah maleeshiyada Cabdiqaadir Muumin oo asbuucii hore la wareegtay magaalada,” ayuu yiri sargaalka.
Asbuucii lasoo dhaafay, in ka badan 50 dagaalyahan oo taageersan ISIS uuna hoggaaminayo sargaal hore oo Al-Shabaab ah Cabdiqaadir Muumin ayaa qabsaday magaalo xeebeedka Qandala ee kutaala gobolka Bari, balse markii dambe ayay isaga baxeen.
Dadka deegaanka ayaa Puntland Mirror u sheegay in ay arkeen diyaarado dagaal oo aan la aqoon cida leh kuwaasoo dul maraya deegaanada u dhow Qandala, balse ma jirto wax weerar duqayn ah oo ilaa hadda lasoo wariyay.
In ka badan 400 dadka deegaanka magaalada Qandala ah ayaa ka cararay guryahoodii iyagoo ka cabsi qaba dagaal cusub oo dhexmara ciidamada dowladda Puntland iyo maleeshiyada taageersan ISIS.
Related Posts
March 13, 2019 Sideed dagaalyahan oo Al-Shabaab ah oo lagu dilay duqeyn Mareykanku ka fuliyay gobolka Shabeellaha Hoose
September 28, 2016 Puntland security forces kill at least 20 suspected Al-Shabab in Mudug region
July 25, 2016 Kenyan fighter jets bombard al-Shabab bases in Gedo region
March 1, 2017 Ciidamada dhawaan gadoodka ka sameeyay Garoowe oo kasoo horjeestay qoraal kasoo baxay wasaaradda maaliyada Puntland
Be the first to comment