Berlin-(Puntland Mirror) Nin Suuriyaan ah oo ku guul daraystay inuu helo magangalyo ayaa is-qarxiyay wuxuuna dhaawacay 12 qof.
Ninka oo qaraxa u adeegsaday boorsada dhabarka lagu qaato ayaa qaraxa ka geystay meel u dhow goob ay xaflad ka socotay magaalada Ansbach oo ku taala koonfurta dalka Jarmalka.
Wasaarada arrimaha gudaha Jarmalka ayaa sheegtay in ninka is-biimeeyay uu ahaa 27-sanno jir Suuriyaan ah kaasoo isku soo rakibay walxaha qarxa kadib markii loo diiday inuu galo xaflad muusik.
Dad gaaraya 2,500 oo qof ayaa laga badbaadshay goobta kadib qaraxa markuu dhacay.
Saddex qof oo dhaawaca kamid ah ayaa ku sugan xaalad caafimaad oo daran, sida ay sheegeen booliiska.
Haayadaha amaanka ayaa xiray bartmaha magaalada iyadoo khuburado ay isku-dayayaan in ay ogaadaan nooca qaraxa ninka is-qarxiyay uu adeegsaday.
Dalka Jarmalka ayaa bilihii u dambeeyay waxaa ka dhacayay falal argagixisonimo, dhawaan ayay ahayd markii nin u dhashay dalka Iran uu magaalada Munich ku dilay koob dukaamaysi ugu yaraan sagaal qof.
Related Posts
April 5, 2017 Ugu yaraan 10 qof oo lagu dilay qarax gaari oo ka dhacay Muqdisho
November 24, 2016 Saddex askari oo Turki ah oo lagu dilay waqooyiga dalka Suuriya
January 4, 2018 Juxa oo dib u dhigay safarkiisii Garoowe kadib markii Raysulwasaaruhu uu xilka ka qaaday
April 15, 2019 Madaxweynaha Puntland oo Dubai kulan kula yeeshay masuuliyiinta shirkada DP World
