Duqaynta ayaa dhacday maalintii Axada, sida ay sheegeen saraakiisha taliska Mareykanka ee Afrika (AFRICOM).
“Hadda waxaanu wadnaa qiimaynta natiijada howlgalka, waxaana bixin doonaa faahfaahin dheeri ah sida ugu macquulsan,” Patrick Barnes oo ah afhayeen u hadlay AFRICOM ayaa sidaa yiri.
“Ciidamada Mareykanka waxay balanqaadeen in ay taageerayaan dowladda federaalka Soomaaliya, ciidamada qaranka Soomaaliya iyo saaxiibadayada AMISOM si looga adkaado Al-Shabaab deegaan ammaan ahna looga dhigo Soomaaliya.” Ayuu ku sii daray.
Mareykanku ma uusan sheegin cida lala eegtay howlgalka duqaynta ah, balse ilo-wareedyo dadka deegaanka ah ayaa sheegaya in la bartilmaameedsaday Ibraahim Xaaji Daauud, oo ah sargaal sare oo Al-Shabaab katirsan iyo hoggaamiyaha qaybta sirdoonka kooxda.
Kani waa weerarkii labaad oo ka dhan ah Al-Shabaab oo ay qaadaan ciidamada Mareykanka tan iyo inta uu jiray maamulka cusub ee Madaxweyne Donald Trump, sida ay sheegeen Mareykanku.
Weerarkii kan ka horeeyay ayaa dhacay bishii lasoo dhaafay kadib markii diyaarada aan duuliyaha lahayn ee drone ay duqeysay Al-Shabaab, waxaana lagu qiyaasay ilaa sideed dagaalyahan in lagu dilay weerarkaas.
Related Posts
April 18, 2019 Wasaaradda Waxbarashada Puntland oo ka jawaabtay hadalkii wasiirka waxbarashada Soomaaliya – Warsaxaafadeed
February 5, 2017 Mamnuucida dal kugalka Mareykanka oo walaac ku abuuray mustaqbalka waxbarasho ee arday Soomaaliyeed
June 3, 2018 Despite its short existence, University of Bosaso is vying to be the top leading university in Puntland
January 9, 2019 10 maleeshiyo oo Al-Shabaab ah oo lagu dilay duqeymo ka dhacay koonfurta Soomaaliya
