Taliyaha ciidamada Puntland Janaraal Siciid Dheere oo u tartamaya madaxtinimada Puntland

“Kadib markii aan talosoojeedino badan ka helay dad kala duwan oo iga codsaday in aan u tartamo madaxweyne, maanta waxaan iclaaminayaa hamiga aan u qabo madaxtinimada Puntland,” ayuu ka sheegay shir jaraaid oo uu ku qabtay Garoowe.

Janaraal Siciid Dheere, oo ah nin ciidan oo aad loo yaqaan, ayaa sanooyin badan ka shaqeynayay ciidamada Soomaaliya iyo Puntland.

Mar la weydiiyay in uu iska casilay xilka uu hadda hayo, Siciid Dheere ayaa sheegay in uu weli yahay taliyaha ciidamada Puntland.

Doorshada soo socota ee madaxtinimada Puntland ayaa la filayaa in la qabto bisha Janaayo ee sanadka soo socda.