Inkastoo uusan weli si rasmi ah ugu dhawaaqin in uu mar labaad tartamayo, haddana sida ay warsidaha Puntland Mirror u xaqiijiyeen ilo-wareedyo dowladda katirsan waxa uu doonayaa in uu tartamo mar kale.
Isniintii, Madaxweyne Cabdiweli waxa uu safar ugu baxay gobolada Karkaar iyo Bari.
Sida ay ilo-wareedyadu sheegeen ujeedka safarkiisa ayaa ah sidii uu deegaanadaas olole uga sameyn lahaa, isaga oo doonaya in uu la kulmo dadka shacabka ah iyo odayaal dhaqameedka oo leh awooda soo xulista xubnaha cusub ee baarlamaanka.
Bilihii u dambeeyay, Madaxweynaha ayaa waday olole balaaran oo uu ku doonayo in uu shan sanno oo kale uu Puntland hoggaamiyo. Waxa uu safaro ku tagay gobolada Sanaag iyo Mudug.
Xubno badan oo xafiiska madaxtooyada katirsan ayaa u ordaya in ay noqdaan xildhibaano taasoo muujineysa rajada Cabdiweli uu ka qabo madaxweynenimada.
Ku dhawaad 20 musharax ayaa ololahooda ka wada gobolada Puntland sida Nugaal, Mudug, Bari, Karkaar iyo Sanaag.
Cabdiweli ayaa lagu eedaynayaa maamul xumo iyo musuqmaasuq balaaran mudadii uu xafiiska joogay.
Gobolada Puntland waxaa ka socota soo xulista xildhibaanada cusub oo ku saleysan hab-qeybsiga qabiilka.
Bisha Janaayo 8-deeda sanadka 2019 ayaa la filayaa in ay dhacdo doorashada madaxweynaha ee dowladda Puntland.
Related Posts
June 4, 2017 Madaxweynaha Puntland oo isku shaandhayn uu ku sameeyay maxkamada ciidamada xilkii uga qaaday guddoomiyihii
December 31, 2016 Madaxweynaha dowladda Puntland oo Turkiga ka codsaday in ay gacan ka geystaan gurmadka abaarta ku dhufatay Puntland
July 13, 2016 Al-Shabab leader describes Turkey Somalia’s ‘enemy’
June 6, 2017 Wasaaradda Xanaanada Xoolaha Puntland oo yeelatay xarun cusub oo ay ku baxday dhaqaale dhan $372,000
Be the first to comment