Madaxweynaha dalka Koonfurta Suudaan Salva Kiir ayaa amar ku bixiyay xabad joojin kadib maalmo uu dagaal culus ku dhexmaray caasimada Juba ciidamada dowlada iyo ciidamada madaxweyne ku-xigeenka Koonfur Suudaan Riek Machar.
In ka badan 200 oo qof ayaa la sheegay in ay ku dhinteen dagaaladaas dhacay, iyadoo la isku adeegsaday hubka culus, taangiyo iyo diyaarado.
Dagaalka ayaa ka bilaabmay is-rasaasayn dhex martay ciidamo kala taageersan Madaxweyne Kiir iyo ku-xigeenkiisa Riek Machar.
Golaha amaanka ee Qaramada Midoobay ayaa ka codsaday labada dhinac in ay joojiyaan dagaalka.
Dhawaan ayaa labada nin heshiis nabadeed gaareen kadib dagaal saddex sanno u dhaxeeyay Kiir iyo Machar oo ay ku dhinteen kumanaan, malaayiin kalena ay ku dhaawacmeen.
Dalka Koonfurta Suudaan ayaa ka goa’ay dalka Suudaan sanadkii 2011.
Related Posts
March 31, 2018 Labo qof oo ku geeriyooday shil gaari oo ka dhacay duleedka magaalada Qardho
February 24, 2017 Madaxweynaha Puntland oo Boosaaso dib ugu soo noqday
September 19, 2016 Kenya-Somalia Sea border dispute begins
February 21, 2024 Soomaaliya oo ilaalinta badeeda ku wareejisay Turkiga
Be the first to comment