“Halkay naga caawin lahaayeen, marka kowaad waa ay cambaarayn tani ma masuuliyad dowladeed baa, sidaa darted naarta gal Mr. Obama, naartaad gali doontaa,” Dutere ayaa sidaa ku yiri hadal uu jeediyay shalay oo Talaado ahayd.
La dagaalankiisa daroogada ayaa waxaa ku dhimatay in ka badan 3,000 oo dadka daroogada ka shaqeeya ah intii lagu guda jiray saddexdii bilood ee u dambeeyay, iyadoo ay walaac ka muujiyeen Qaramada Midoobay, Midowga Yurub, Maraykanka iyo kooxaha xuquuqul iinsaanka.
Dutera ayaa sheegay in Maraykanka ay ka diideen in ay hub ka iibiyaan dalkiisa, laakiin maahan mid uu danaynayo sababtoo ah dalalka Ruushka iyo Shiinaha ayay ka rajaynayaan in ay hub ka iibiyaan.
“Haddii aadan doonayn in aad hub naga iibisid, waxaan aadayaa Ruushka. Waxaan Janaraalo u diray Ruushka waxayna Ruushka ii sheegeen ha walwalin, waanu haynaa wax walba oo aad u baahantahay, waana ku siinaynaa,” ayuu yiri Dutera.
Bishii lasoo dhaafay, Obama ayaa joojiyay kulan qorshaysnaa oo ahaa kii kowaad oo uu la yeesho Dutera kaasoo barbar socon lahaa shir weynihii qaarada Aasiya oo lagu qabtay dalka Laos, kadib markii hoggaamiyaha Filibiin uu ku tilmaamay Obama ”wiilkii sharmuutada”.
Dutera ayaa mar dambe raaligelin ka bixiyay hadalkiisii.
Related Posts
May 18, 2017 Baarlamaanka Puntland oo doonaya in ay horjoogsadaan qorshaha madaxweynaha ee uu ku kordhinayo kuraasta baarlamaanka
July 26, 2016 Qarax xoogan oo ka dhacay meel u dhow garoonka diyaaradaha Muqdisho
July 29, 2018 Raysulwasaaraha Dowladda Federaalka Soomaaliya oo markii ugu horeysay safar ku yimid Puntland
April 20, 2017 Sanduuqa Horumarinta Abu Dhabi oo deeq dhan $89.8 milyan ugu deeqay Soomaaliya
