Macalimiinta ayaa la sheegay in ay Al-Shabaab kala Shireen bedelida manhajka iskuulo gaar loo leeyahay oo kuyaala gudaha magaalada Jowhar.
Al-Shabaab ayaa doonaysa in iskuulada laga dhigo manhaj xambaarsan afgaartooda. Macalimiinta ayaa masuul ka ah qiyaastii 1,000 arday oo ay da’doodu u dhaxayso todobo ilaa iyo 15 sanno.
Mahad Xasan Cusmaan oo ah wasiirka warfaafinta maamulka Hir-Shabeelle ayaa warbaahinta u sheegay in macalimiinta ay ka qabteen ayna ku xireen gudaha magaalada Jowhar.
“Waxaanu ku xirnay 15km oo magaalada banaankeeda ah.” Ayuu yiri Mahad Xasan.
“Waxay rabeen in ay badalaan manhajka iskuulada si ay uga dhigaan waxa kooxda ay aaminsantahay oo ay soo fartay.” Ayuu ku daray.
Wasiirka ayaa sheegay in macalimiinta ay geyn doonaan maxkamad marka la baaro.
Al-Shabaab, oo xiriir la leh urur weynaha Al-Qaacida ayaa dibada looga saaray intooda badan magaalooyinka kuyaala koonfurta Soomaaliya balse waxay weli maamulaan deegaano badan oo miyi ah.
Ururka hubaysan ayaa bishii lasoo dhaaftay ee April soo saaray buugaag manaahij ah oo xambaarsan afgaartooda.
Related Posts
October 17, 2016 Maamul goboleedka Soomaaliyeed ee Hir-Shabeelle oo doortay madaxweynahoodii kowaad
February 14, 2017 Diyaarad sida meydka madaxweynihii hore Puntland oo timid garoonka diyaaradaha Boosaaso
September 11, 2018 Xadka u dhaxeeya Itoobiya iyo Eriteeriya oo dib loo furay 20 sanno kadib
April 2, 2023 Puntland oo markale ku celisay in aysan qeyb ka ahayn dagaalka Laascaanood, uguna baaqday Somaliland in ay la baxdo ciidamadeeda
