Macalimiinta ayaa la sheegay in ay Al-Shabaab kala Shireen bedelida manhajka iskuulo gaar loo leeyahay oo kuyaala gudaha magaalada Jowhar.
Al-Shabaab ayaa doonaysa in iskuulada laga dhigo manhaj xambaarsan afgaartooda. Macalimiinta ayaa masuul ka ah qiyaastii 1,000 arday oo ay da’doodu u dhaxayso todobo ilaa iyo 15 sanno.
Mahad Xasan Cusmaan oo ah wasiirka warfaafinta maamulka Hir-Shabeelle ayaa warbaahinta u sheegay in macalimiinta ay ka qabteen ayna ku xireen gudaha magaalada Jowhar.
“Waxaanu ku xirnay 15km oo magaalada banaankeeda ah.” Ayuu yiri Mahad Xasan.
“Waxay rabeen in ay badalaan manhajka iskuulada si ay uga dhigaan waxa kooxda ay aaminsantahay oo ay soo fartay.” Ayuu ku daray.
Wasiirka ayaa sheegay in macalimiinta ay geyn doonaan maxkamad marka la baaro.
Al-Shabaab, oo xiriir la leh urur weynaha Al-Qaacida ayaa dibada looga saaray intooda badan magaalooyinka kuyaala koonfurta Soomaaliya balse waxay weli maamulaan deegaano badan oo miyi ah.
Ururka hubaysan ayaa bishii lasoo dhaaftay ee April soo saaray buugaag manaahij ah oo xambaarsan afgaartooda.
Related Posts
November 13, 2019 Xildhibaan Cabdirashiid Yuusuf Jibriil oo ku dhawaaqay in uu u tartamayo guddoomiyaha baarlamaanka Puntland
December 23, 2016 Madaxweynaha dowladda Puntland oo Muqdisho kulan kula yeeshay xildhibaanada labada aqal ee Puntland laga soo doortay
January 5, 2018 Puntland oo isku diyaarinaysa soo dhaweynta Madaxweyne Farmaajo
August 4, 2017 Turkey set to open largest military camp in Somalia
Be the first to comment