Bayaan maanta oo Axad ah kasoo baxay xafiiska Madaxweynaha Galmudug Axmed Ducaale Geele Xaaf ayaa lagu eedeeyay in madaxtooyada Soomaaliya ay ka dambeyso khilaafka ka dhxe jira maamulka Galmudug.
“Gamudug uma baahna xaalkeedu in Muqdisho la isugu yimaado ee waxay baahantahay in faragelinta laga daayo lagana saaro dadka dheeriga ku ah, qalalaasaha iyo abaabuladana ka wada degaanada qaar ee Galmudug.” Ayaa lagu yiri bayaanka.
“Hadaba, anaga oo dhawrayna go’aankii ahaa in Dowlad Goboleedyadu hakiyeen wada shaqeynta kala dhaxeysa Dowladda Federaalka ayeyna suurtagal noo ahayn in aan hadda nimaadno Muqdisho,”
Dhawaan, Madaxweynaha Soomaaliya Maxamed Cabdullaahi Farmaajo ayaa isugu yeeray masuuliyiinta Galmudug in ay yimaadaan Muqdisho si khilaafkooda loo xaliyo.
Madasha Dowlad Goboleedyada Soomaaliya oo Galmudug ay kamidtahay ayaa sheegay in ay hakiyeen xiriirka kala dhaxeeyay Dowladda Dhexe kadib shir ay ku yeesheen magaalada Kismaayo horaantii bishaan.
Kadib go’aankii Dowlad Goboleedyada, Madaxweynaha Dowladda Federaalka Soomaaliya Maxamed Cabdullaahi Farmaajo ayaa shir wadatashi ah ugu yeeray madaxda sare ee Dowlad Goboleedyada, balse maamul goboleedyada ayaa shuruudo ku xiray wadahadalka Dowladda Federaalka Soomaaliya.
Related Posts
June 4, 2016 Hadaladii caan baxay ee feeryahankii caanka ahaa Maxamed Cali
July 19, 2018 Baarlamaanka Puntland oo kala diray Haayada Shaqaalaha Rayidka ah ee Puntland
March 30, 2017 Golaha wasiiradda cusub ee Soomaaliya oo kulankoodii ugu horeeyay yeeshay kadib markii ay codka kalsoonida ka heleen baarlamaanka
October 12, 2019 Axmed Madoobe oo markii saddexaad loo caleemosaaray madaxweynaha Jubbaland
Be the first to comment