Gobolka Gaardafuu, hal qof ayaa ku dhintay kadib markii ay degtay dooni kaluumaysi, sida ay sheegeen masuuliyiinta wasaaradda arrimaha gudaha Puntland.
Gobolka Nugaal, gaar ahaan magaalada Eyl, roobab mahiigaan ah oo dabaylo wata ayaa burburiyay ku dhawaad 50 guri, iyo beero badan, sida dadka deegaanka ay u sheegeen bog wareedka Puntland Mirror.
Cunug yar oo reer miyi ah ayaa deegaanada Eyl u dhow u dhintay qabow dartiis, sidoo kale boqolaal xoolo ah oo ay lahaayeen dad xoolo dhaqato ah ayaa daadadku la tageen.
Sidoo kale, daadadka ka dhashay roobabka ayaa waxyeeleeyay waddooyin muhiim u ah isku xirka gobolada.
Roobabka ayaa waxaa sababtay duufaanta Pawan oo ka timid Badweynta Hindiya, taasoo galabnimadii Jimcaha soo gaartay deegaanada xeebaha.
Khasaarihii la filayay in uu ka dhasho roobabka duufaanta wata ayaa ka yar sidii la moodayay.
Intooda badan deegaanada ay roobabku ka da’een ayaa hadda degan inkastoo la qiyaasi karayo in roobab kale imaan karaan.
Related Posts
March 12, 2017 Ciidamada gadoodsan ee Puntland oo ka baxay kantaroolka koonfureed ee Garoowe
March 21, 2019 Ciidamada Puntland iyo Somaliland oo isku-dhac ku dhexmari karo gobolka Sanaag
July 3, 2017 Dagaal culus oo u dhaxeeya ciidamada Soomaaliya oo taageero ka helaya kuwa Itoobiya iyo maleeshiyada Al-Shabaab oo ka dhacay gobolka Gedo
April 13, 2020 Tirada dadka laga helay coronavirus gudaha Soomaaliya oo gaartay 28 qof
Be the first to comment