Hadal uu baahiyay taleefishinka dowladda, Ayatollah Ali Khamenei ayaa ku ceshay Isniintii in Mareykanka uu faraha kala baxo Bariga Dhexe isagoona sheegay in cid kasta oo dooneysa in ay dhibbaateyso Iran laga adkaan doono.
“Qaababka looga hortagayo Iran waxaa kamid ah in la booriyo hoggaamiyaasha aan khibrada lahayn ee gobolka,” Khamenei ayaa sidaa yiri, taasoo u muuqata in uu u la jeedo Dhaxal Sugaha Boqortooyada Sucuudiga ee Maxamed Salmaan, oo 32-sanno jir ah.
“Mareykanku wuxuu isku dayayaa in uu ku booriyo Sucuudiga in ay ka hortagaan Tehran… ujedkoodu waaa in ay gobolka ka abuuraan dhibbaatooyin badan… si Muslimiinta ay ugu khasbaan in ay iska soo horjeestaan.”
“Haddii dowladahaan ay heli lahaayeen caqli badan, kama aysan hor imaadeen Iran, haddii ay ka horyimaadaan Iran, waa laga adkaan doonaa.”
Khamenei wuxuu sheegay in Iran aysan dooneynin in ay xaddiddo saameynta ay ku leedahay Bariga Dhexe. “Maraykanku waa kuwa ka baxaya… Bariga Dhexe, Galbeedka Aasiya iyo Gacanka Bari Persian waa gurigeenna.” ayuu sii raacshay.
Iran iyo Sucuudiga ayaa lahaa dagaal sokeeye muddo dheer, iyaga oo ku tartamaya maamulka gobolka laga bilaabo Ciraaq iyo Suuriya, iyo Lubnaan iyo Yeman. Madaxwaynaha Maraykanka Donald Trump ayaa si xoogan u taageeray Sacuudi Carabiya dadaalkeeda ku wajahan ka hortaga Iran.
Related Posts
April 24, 2018 Wasiirka Gaashaandhiga dowladda federaalka Soomaaliya oo xilkii iska casilay si uu ugu tartamo guddoomiyaha baarlamaanka
October 5, 2017 Somalia’s cabinet ministers appoints accountant general
January 13, 2020 Madaxweynaha Soomaaliya oo dalka Cumaan ugu safray ka qeybgalka tacsida Suldaan Qaaboos
September 11, 2016 Somali political leaders meeting in Mogadishu ends without agreement
