Washington-(Puntland Mirror) Murashaxa xisbiga Jamhuuriga ee dalka Maraykanka Donald Trump ayaa shalay oo Arbaco ahayd ku eedeeyay Madaxweyne Barack Obama inuu asaasay dowlada Islamiga (ISIS) taasoo ka dagaalanta Bariga Dhexe.
“Barrack Obama waa asaasaha ISIS.” Trump ayaa sidaa yiri isagoo la hadlayay taageerayaashiisa Florida.
Saddex jeer buu hadalkiisa ku celiyay isagoo dhahaya: “Waa asaasaha ISIS.” “Waa asaasaha. Isagaa asaasay ISIS.” Sidaa ayuu yiri Donald Trump.
Trump ayaa muddo dheer ku eedaynayay Obama iyo xoghayihiisii hore ee arrimaha dibada Hillary Clinton in ay Bariga Dhexe ka sameeyeen siyaasad lagu abuuray awood maran taasoo keentay kooxda ISIS.
Donald Trump ayaa ku eedeeyay Obama go’aankiisii uu ciidamada Maraykanka kaga soo saaray dalka Ciraaq, taasoo keentay in ay halkaas ka dhacdo xasilooni daro ay ka dhalatay ISIS, sida uu sheegay Trump.
Aqalka Cad ee Maraykanka ayaa ka gaabsaday inuu ka jawaabo eeda Donald Trump.
Related Posts
May 26, 2019 Madaxweyne Deni oo guddoomiye iyo taliye booliis u magacaabay gobolka Mudug
July 8, 2016 African Union to withdraw troops from Somalia by 2020
September 12, 2017 Wasaaradda Maaliyada Puntland oo sheegtay in dhawaan ay soo bixi doonaan go’aano ku saabsan adeega EVC
September 2, 2021 Odayaasha dhaqanka Nugaal oo ugu baaqay dhinacyada ku dagaalamaya miyiga u dhaxeeya Nugaal-Sool in ay joojiyaan dagaalka
