Xiisada ayaa kor u kacday ee ka dhaxaysa labada dal ee dariska ah ee haysta hubka nukleerka ah, duqaynta ayaa dabaa socotay dilka 18 askari oo Hindi ah kuwaasoo la dilay ku dhawaad labo asbuuc kahor.
Janaraalka labo xidigle ah Ranbir Singh oo ah agaasimaha guud ee howlgalada militariga ayaa wariyeyaasha u sheegay maanta oo Khamiis ah in duqayntaas la qadaay Arbacadii waxaana uu xusay in sida ugu saxsan oo macluumad ahaan lagu kalsoonaan karo ay tahay in kooxo argagixiso ah ay saldhigyo ka samaysteen Hindiya dhinaceeda si ay gudaha ugu galaan dhankooda.
Ilo-wareed dhanka ciidanka ah ayaa wakaalda wararka Reuters u sheegay in duqaynta ay Hindiya geysatay ay ka baxsantahay xariiqda maamulida ee uu dhaxaysa gobolka lagu muransanyahay ee Kashmir.
Sidoo kale waxaa la xaqiijiyay in duqaynta ay ku dhinteen labo askari oo Pakistan ah.
Bayaan kasoo baxay Raysulwasaaraha Pakistan Nawaz Sharif ayaa si weyn loogu cambaareeyay duqaynta, waxaana uu wacad ku maray in milatariga ay awood u leeyihiin ka hortaga weerar walba oo waxshinimo ah oo lagu waxyeelaynayo qaranimada dalka Pakistan.
Related Posts
February 3, 2021 Shir ku saabsan doorashooyinka soo socda ee Soomaaliya oo ka furmay Dhuusamareeb
December 7, 2017 Baarlamaanka Puntland oo ansixiyay miisaaniyada 2018
July 17, 2016 Puntland defeats South West 4-0 in Somali regional states cup
February 11, 2017 Sarifka dollarka oo hoos u dhacay gudaha Muqdisho
Be the first to comment